譚俊彥新廣告爆肌出鏡竟「變虧」 自爆由呢個年紀開始食壯陽產品
廣告
45歲視帝譚俊彥加入TVB後有唔少出鏡機會，在最近播出嘅《企業強人》中同樣擔任重要角色，大騷演技深受觀眾喜愛。最近譚俊彥為男士保健產品做代言，不過在廣告中就要「變虧」兼被老婆嫌棄！早前譚俊彥出席劇集宣傳活動時就提到呢個廣告，仲自爆由呢個年紀已經開始食壯陽產品……
譚俊彥拍廣告慘被嫌棄「變虧」
譚俊彥在廣告中大騷男性魅力，仲以連環舉啞鈴爆肌搶fo！不過隨後譚俊彥就慘爆表示「當初老婆最鍾意我嘅嘢，依家變成嫌棄我嘅嘢」，更搞到要於網上搜尋「男人扭轉命運」嘅辦法，希望重拾老婆對自己嘅熱情！
譚俊彥自爆呢個年紀開始食壯陽產品
譚俊彥早前出席《企業強人》宣傳活動接受訪問時，被同劇嘅張曦雯踢爆其實係該保健產品有壯陽功能！譚俊彥亦大方表示自己細個已經有食，不過只係想令健身時可以持久啲，但就爆笑稱副作用就係「搞到生咗咁多個」，完全令尷尬！
