謝霆鋒舊歌被翻hit 網民盤點10大經典金曲
廣告
90年代至2000年代係香港樂壇最輝煌嘅時期，歌手人才百出，不過除咗時間過去，當年好多大受歡迎嘅歌手都漸漸淡出樂壇。近日有網民喺討論區以「謝霆鋒啲歌算唔算比人嚴重低估？」為題發文，大讚以前謝霆鋒啲歌真心好聽。帖文人氣好多人回應，更加選出10大經典金曲！
網民力讚10大金曲
謝霆鋒在90年代至千禧年活躍喺香港樂壇，出過無數首金曲。有網民喺連登討論區就發文表「謝霆鋒啲歌算唔算比人嚴重低估？」，引起一眾網友討論，除咗樓主提出嘅《愛後餘生》、《無聲仿有聲》、《活著VIVA》外，《玉蝴蝶》、《因為愛所以愛》等經典金曲都被提起。
10大謝霆鋒經典舊歌
《愛後餘生》
《無聲仿有聲》
《活著VIVA》
《玉蝴蝶》
《因為愛所以愛》
《啟示錄》
《非走不可》
《潛龍勿用》
《遊樂場》
《一擊即中》
《活著VIVA》改歌《海底奇兵》成為經典
《活著VIVA》呢首歌曾經喺2013年被高登網民改歌詞做《海底奇兵》，一句「肥仔一跌落渠就連部單車都失去」簡直係大家童年回憶，有網民笑指「有返咁上下年紀先明」，甚至覺得《活著VIVA》音樂一響，就會想唱出呢句！
網民大讚：好多好hit嘅都係佢自己作！
有網民就提出其實謝霆鋒《活著viva》嗰期紅過Eason，「好多好hit嘅都係佢自己作」，包括《遊樂場》、《末世紀的呼聲》、《一擊即中》、《別來無恙》、《罪人》、《玉蝴蝶》、《估計錯誤》、《潛龍勿用》、《邊走邊愛》、《啟示錄》，另外仲有作曲畀其他歌手，包括陳慧琳《假天真》、許志安《未簽收》、容祖兒《告解》、王菲《迷魂記》等等。該粉絲大讚「佢真係憑個人努力唱歌作歌拍電影開公司，佢有今時今日嘅財富都係佢自己努力賺返嚟。」
網民：42歲仲咁靚仔無皺紋
亦有網民大讚謝霆鋒現時已經42歲，「仲咁靚仔無皺紋」，比起同樣80年出生的陳冠希更加靚仔！
