謝安琪為慈善出力與音樂團體隔空Jam歌烈日當空下素顏自拍唱到香汗淋漓｜頭號粉絲

謝安琪（Kay）與大家一樣受到新冠肺炎影響，而常留在家中陪伴家人，日前，謝安琪（Kay）這位索爆人妻兼媽媽就連同音樂團體來個隔空Jam歌，為慈善開聲獻唱，從片中可以看到素顏上陣的謝安琪，頭戴草帽，身穿黑色低胸長裙邊行邊拍，即使唱到香汗淋漓，依然笑容掛面，善心爆棚呀。

撰文：東方新地｜攝影：謝安琪、Louis C.張繼聰｜編輯：八卦妹（原文刊於：東方新地）

為慈善素顏獻聲

此次阿Kay獻聲以「Kay x HKPMC x BCCH Backyard Jam Special 〈其實寂寞〉」為題，Kay與Backyard Jam一齊jam歌，仲要一鏡到底加迷人視角，為兒童醫院的醫護人員及病童籌款，善心爆棚！影片播放完片頭後，戴上草帽、自稱素顏只塗防曬及穿上身居服的謝安琪現身。

黑色小背心透視「家居服」下，謝安琪在其大埔住所範圍自錄短片，邊唱邊行，不時展露無邪笑容。炎熱天氣下，晒一晒都出汗係好合理嘅！所以阿Kay胸口都滴晒汗，而且雙頰紅卜卜，睇到人心跳。

片段雖然以Kay為主角，不過當然唔少得一班jam歌的音樂人，如徐繼宗、褚鎮東、何兆基和劉祖德等。

Kay時而高炒時而烏身，美好身段當然展露無遺！

結尾再來個烏身倒奶加勝利V字配笑容，無得頂！

其實早前謝安琪靜極思動，都密密在ig上傳由老公張繼聰操刀的唯美照，之前又再派福利，穿上麻色低胸長裙，在林中拍下知性美照，相中阿Kay淡妝示人，長髮飄逸，並配上甚具含義的字句。

最好的善良

是在充分了解和審視事情之後
作出最廣義來說最美好的選擇

最好的善良

是智慧

不過最吸引，當然是人妻晒波邊，鬆身裙下不經意露出有料胸部，白滑雪球下疑似真空，雙峰隨著風和步伐搖晃，令人睇到血脈沸騰！

向來對自己身材好有自信的謝安琪，繼之前在個人IG上載由老公張繼聰操刀的出水芙蓉照及浴室剪影激凸照後，近日又靜極思動，向網民再派福利，雖然今次阿Kay著到全身黑，套衫仲包上頸，但其實佢係刻意玩透視若隱若現，仲嚟一招雙手交疊谷胸，透出深長事業線，又再一次成功搶fo，43歲人妻Kay真係波大有腦，一班拋胸倒奶妹妹仔，都唔係佢對手！

粉絲睇到留口水

雖然新冠肺炎疫情稍有緩和，不過，限聚令未解封，公開活動依然有限，閉關的阿Kay，時不時就會在社交網派福利，Keep住同粉絲互動保人氣，見之前上載水著寫真咁好反應，今次阿Kay就出動透視夾波，好誘惑㗎！

上次落水寫真有老公張繼聰操刀，今次就搵友人幫拖，雖然冇上次咁有日本寫真極級美感，但一樣好吸睛。

雖然晒相之餘， Kay仲寫咗大堆感性留言，好似「有些風暴冥冥就是為了洗刷清晰前路」、「疾風急雨未必無情驚濤駭浪中的領略尤甚無價」、「風雨有感霾散有期教我們更懂得擁抱熬過錘煉洗禮的自己」，似在與眾共勉！不過，好明顯相片比文字吸引，大家可能都忽略咗Kay語重心長的鼓勵！

43歲謝安琪一早見慣大場面，御夫有術外，冧宅男一樣有計，深明坦蕩蕩唔一定係最吸引，反而若隱若現更加深不可測，她在IG上載了幾張透視夾波罅相片，仲刻意自己focus埋心口畀你睇，34D身材呼之欲出！問你服未！

謝安琪與張繼聰最近因疫情長期留家，閒時除了要陪仔女玩樂，兩公婆亦爭取二人世界，張繼聰化身攝影大師為愛妻密密影，其中一輯在水中央雖然主攻膊頭以上大頭寫真，但43歲的謝安琪如含苞待放的少女，濕身晒髀罅慾照唔止能誘夫，更令不少宅男垂涎三尺。日前張繼聰駕駛其心愛戰車與謝安琪遊車河，戴晒頭盔包到冚，無懼悶熱天氣，結婚13年育有一對仔女，如何能重拾激情、令夫妻生活如魚得水？謝安琪為冧張繼聰投其所好keep住姣，值得參考。

謝安琪閂埋房門玩私影張繼聰做御用攝影師

謝安琪07年與張繼聰奉子成婚，兒子張瞻出世後，其歌唱事業更暢旺，升呢後被指與張繼聰女尊男卑，不過無損夫妻感情，近年張繼聰崛起，拍劇拍電影成為大紅人，07年再迎來細女張靖，一家四口生活更見美滿。最近受到新冠肺炎影響，居於大埔比華利山的張繼聰與謝安琪亦留家抗疫，不時在社交網上看到他們與子女打成一片，張繼聰幾乎每天都揸住結他自彈，謝安琪又會興起開金口，但原來除了玩音樂，夫婦二人近月有另一愛好。

張繼聰與謝安琪結婚十三年同甘共苦經歷高低，大時大節他都花心思氹老婆，是圈中好好先生。

謝安琪大張繼聰三年，二人於07年奉子成婚，謝安琪產後復出再搏殺，17年追女成功張繼聰事業亦起飛，一家四口經常在社交網放閃。

張繼聰揚言想做網紅，最近他幾乎日日有新 post，仲攞住支結他自彈自唱，日前仲叫得郁老婆獻聲，雖然謝安琪未有露面，但兩公婆呢次「合體」表演大受歡迎。

張繼聰早前宣布即將踩過界做網紅，喜歡影相拍片的他，最新愛好是做謝安琪的御用攝影師，間中也會把作品放於自己的 IG內，日前他又親自操刀拍下謝安琪的出水芙蓉照，張繼聰直頭當寫真咁影，據知情者透露：「雖然生咗兩個小朋友，但 Kay（謝安琪）好引以為傲，覺得自己身材仲 keep到冇走樣，再加上有個鍾意影相嘅老公梗係要用到盡啦！

早前謝安琪上載一輯充滿夏日氣息的水著照上 IG，並在相下留言︰「都不放棄努力過活，用心挖掘、領受、體現，萬物當中的細節，生命承載的意義。仍然可以選擇，真摯地分享，箇中的快樂。這是特別值得珍惜的一種樂觀。」

這輯水著照由張繼聰操刀，影到好有日本少女寫真嘅感覺，43歲的謝安琪顯得非常年輕與甜美，完全唔似生咗兩個小朋友，就連她自己都留言：「是甜的！」

雖然謝安琪穿上泳衣，但大部分只見到膊頭以上嘅地方，不過這張影大髀罅的大特寫，就令人有無限遐想喇！

阿聰影得 Kay唔靚唔瘦一定畀佢鬧爆，為咗增添夫妻情趣，佢哋仲會喺屋企睡房閂埋門影性感相，不過都只係自己私藏，呢輯泳池相影到好似日本少女寫真咁，其中一張仲係 Kay大髀大特寫，真係引人遐想，阿聰唔想益街坊，所以冇放喺自己 IG度，點知 Kay自己放，即刻惹來好大回響。一直以嚟，Kay好介意人哋話佢老過阿聰，所以喺老公面前佢成日扮少女同小鳥依人，結婚十三年老夫老妻，都要諗吓點樣重拾激情嘅！為咗冧老公姣功係必須的，呢方面 Kay做得好好，夫妻生活真係一啲問題都冇。」

張繼聰鏡頭下的謝安琪相當性感，濕髮露肩之餘，仲有若隱若現的激凸剪影，意識形態都極度誘人。

謝安琪皮膚白滑身材豐滿，她對自己的身形信心十足，曾性感露南半球出席公開活動，又試過著旗袍瞓床大晒美腿，唔會放過任何晒身材的機會。

努力經營夫妻關係烈火戰車慢速行駛

謝安琪深知夫妻關係要努力經營，在這段抗疫期間，除了要全天候照顧一對寶貝仔女，她亦沒有冷落老公，不時陪住張繼聰外出飛車，知情者說：「阿聰熱愛揸電單車，近年花唔少錢買戰車，Kay唔單止冇詐型，仲讚老公夠man夠型，呢啲老婆去邊度搵呀？」冬天坐電單車寒風刺骨、大熱天時又曬又焗，相信冇乜女士喜歡坐電單車，不過謝安琪為冧老公奉陪到底。

日前張繼聰車載謝安琪外出兜風，並把自拍照放上社交網，結果被網民質疑行車中拍照違反交通規則。

張繼聰近年愛上揸電單車，這架Harley Davidson Fat Boy價值約三十幾萬，為了chok同型，張繼聰經常以皮褸look包到冚出巡，熱到爆都要死頂。

日前下午三時左右，張繼聰駕駛其新寵Harley Davidson FatBoy戰車外出，由大埔比華利山出發前往沙頭角鹿頸，來回花了約一小時，返家後他再次出車，這次後座多了老婆謝安琪，夫婦二人同穿黑皮褸、窄牛與短靴，打扮襯到絕，雖然其電單車馬力非常大，但張繼聰全程時速都不過60，車載愛妻小心為上，而今次目的地同樣是鹿頸，一日出車走兩轉都冇停車落地，可見張繼聰留家太悶，無論如何都要外出快閃鬆一鬆，而謝安琪亦夫唱婦隨。