18歲詹天文收同學表白5字速拒 擇偶要求最緊要有呢3樣！
詹天文自爆七夕收同學表白
詹天文日前在電台節目《QK玉瑛室》被主持譚玉瑛問到擇偶要求時，詹天文透露希望對方陽光、樂觀及高自己一個頭，不過亦強調：「當真正鍾意一個人嘅時候，呢啲要求都可能會冇咗。」Windy隨後更自爆七夕時收到同學的表白，不過就透露自己已經請對方食咗檸檬：「我同佢喺學校冇乜講過嘢，佢仲話鍾意咗我好耐，又寫咗大段嘢畀我，有少少嚇親。」
網民力讚「有勇氣」
對於詹天文自爆收同學表白一事，唔少網民就留言大讚男同學好有勇氣：「個男同學咁有勇氣追一個明星同學，雖然衰咗但都respect」「明星同學喎，夠膽表白已經好勁」「Windy喎 我係男同學真係唔敢同佢講嘢啦！唔好話表白」「唔理佢成唔成功，淨係表白呢個行動已經贏曬！」
聲夢傳奇｜獨家斷正 23歲冼靖峰夜會15歲詹天文 急訪香閨搵位談情
2021年6月傳出當時15歲《聲夢傳奇》學員Windy（詹天文），被爆撻著同屬紅隊的23歲學員Archie（冼靖峰），除了曾被目擊在餐廳撐枱腳外，導師泳兒日前亦在社交網分享相片洩露玄機！本刊更收到讀者爆相爆片，於周四(6月24日)影到二人拍拖斷正，Archie夜訪詹天文位於將軍澳的香閨，一對小情人情到濃時，在屋苑範圍四周搵位談情。
Windy落樓接Archie
參加《聲夢傳奇》日對夜對，好容易搞出戀事，尤其是情竇初開的十幾歲少女，與廿幾歲的熱血少年，講緊Windy詹天文與Archie冼靖峰。本刊收到讀者爆相爆片，斷正二人拍拖，地點是在Windy與家人同住的將軍澳寓所附近，讀者親眼睇住Windy落樓接Archie。
著急搵地方落腳
當晚大約9時許，在Windy的引領下，二人步入屋苑範圍，游走於會所與平台等位置，看來是搵位落腳拍拖談情，跟住Windy行的Archie邊行邊哼住張敬軒的〈青春常駐〉，唔知係咪為下一輪比賽備戰。當看到有住客行近，Windy都會擰歪面，而Archie就不時與女友有身體接觸，至於最後有沒有上女方寓所，真的不得而知。
《聲夢傳奇》第一單戀事
Windy與Archie在節目中同屬紅隊，雖然Windy已在6月12日的《聲夢傳奇》第9集中被淘汰，但兩人仍keep住密切聯絡，日前Windy更溫緊書都陪Archie開Live，仲傾足近廿分鐘，Archie更在Live中賣口乖大讚Windy皮膚好好。
當有網友留言指兩人公開放閃時，Archie即生硬地引開話題，指著車外說：「係話我後邊支街燈好閃！」跟住仲忽然唱了一句〈黑夜不再來〉的「如果將街燈的光線代表真愛」，令氣氛變得更加尷尬。
直播打情罵俏
Live期間Archie話自己有1米8高，Windy就笑指他得1米5左右，Archie竟問她：「邊度1米5？」Windy呆了一下後，即緊張話：「開緊Live㗎！」之後Windy又補充指自己身高有165cm，比Chantel（姚焯菲）更高。
被泳兒爆相露玄機
而在泳兒昨日於社交網分享的相片中，可以發現Windy和Archie竟然一個Headphone兩份聽，看得出關係非常親密。此外更有目擊者爆料，指曾看到兩人在撐完枱腳後，一同離開餐廳。
