話你知木村最新CM造型有幾國寶級數！
廣告
記唔記得日本潮神木村拓哉喺7月嗰陣旋風式襲台？嗰次佢係為台灣觀光局拍廣告（由吳宇森執導），重係佢出道以嚟首次赴台添，我喺香港都feel到全個台灣萬千少女不停呼叫，差啲以為地震^^”
話咁快個廣告有得睇喇，各粉絲除咗睇木村型得嚟又傻更更嘅笑容外，識睇一定睇埋佢個造型，事關佢着咗神恤，係近年榮升為國寶級潮牌visvim 15 S/S 嘅LONG RIDER SHIRT DRY LAKES，坦白講，呢件恤大概6月中上架，唔算好受歡迎，因為花到咁你同我都未必敢掂，但經木村神着一着，又好似幾好睇喎喂~~睇嚟，肯定又大炒都似！
除咗件神恤要留意外，廣告入面重有幾個吳宇森必有經典位，其實，識笑係幾好笑嘅~~^^
text – singh
