許靖韻巡演東莞站感動落淚：「由頭喊到尾」

許靖韻（Angela）今年四月於內地展開了一系列巡迴音樂會，首站廣州已經讓她感動落淚。到了尾站東莞，情感再次爆發，她坦言這場演出讓她非常感動，因為與觀眾的距離非常近。「近到坐第一行嘅觀眾講嘢都聽到，好難得個舞台同觀眾、歌迷咁近距離，大家成個感覺係同佢哋好close，佢哋每一個樣我都睇得好清楚。」當全場大合唱時，Angela感動得淚如雨下，「第一個感動位係唱《別為我好》，因為今次我除低咗一邊耳機，咁近距離，聽到佢哋唱歌聽得好清楚，《別為我好》同《謝謝對不起》佢哋一齊大合唱，同埋因為我冇諗過《情歌之後》都全場大合唱，嗰個大聲程度係大過《別為我好》，所以忍唔住喊咗出嚟。」

紅衫象徵結束，期待未來

Angela透露，這是今年的最後一場演出，特別選擇了紅色衣服，希望以一個開心的心情作結。「多謝茶茶們（歌迷名稱）每一站為自己準備唔同嘅應援物同打卡點，仲會開show前喺場館外設立應援物交換點，好sweet。」她已經迫不及待地分享明年的計劃，「同茶茶們（歌迷名稱）暫別音樂會舞台，2025年會再開，希望快啲可以公佈日子。嚟緊都有好多唔同嘅舞台演出機會，到時會同大家再見。」

東莞特色美食成話題

除了音樂會的感動，Angela還提到了東莞的特色美食。在歌迷的建議下，她和團隊在演出前特地品嚐了當地的燒鵝瀨。「因為完show就即刻走，所以開show前食。我哋係全體！係全體同事都一齊食燒鵝瀨，大家都覺得超好食！我都係第一次食東莞燒鵝瀨，真係覺得好好食！係好唔同嘅，嗰個粉係好唔同。」