袁嘉敏Deep V拍片賀40歲生日 狂呻自己1個過生日被質疑唔係真單身
廣告
40歲的袁嘉敏（Candy）2009年參加港姐後進入TVB，在多部電視劇和電影中嶄露頭角，更憑電影《鴨王》的大膽演出一炮而紅。2022年，袁嘉敏因在社交平台上公開抨擊鍾培生父子，引發大量網民關注，隨後她便宣布移居英國，並將重心轉向KOL發展。最近，袁嘉敏於40歲生日當天罕有地拍片慶生，不過影片中她多次提到自己仍然單身，卻遭部分網民質疑是否別有含義，引起討論。
袁嘉敏久違拍片大方派福利
袁嘉敏在其個人youtube頻道上載1段新片，並在片中大談自己嘅生日，以及近期去港及遊北京嘅經歷。以紫色低胸上衣示人嘅袁嘉敏除咗keep住小露事業線外，影片後段更換上另外1套Deep V嘅連身褲，大騷震撼身材之餘，特寫身上衣服時嘅畫面更係福利爆燈，影片上載短短8日就已經吸引逾3萬人觀看，認真厲害！
袁嘉敏呻自己1個過生日遭質疑
袁嘉敏在片中多次提到自己係單身，又表示：「我覺得在這個年紀仍是單身有點奇怪」、「一個人在這裏終老」等，強調自己嘅40歲生日係獨自度過。
但係網民對於袁嘉敏聲稱1個人過生日就表示質疑：「呢個package會冇人同你過生日？」、「冇可能對面冇人」、「著到咁正式，一定有人約嘅」、「肯定大把人爭住嚟同你過生日啦」不過亦有人直言：「女人想要求其有個人陪食個生日飯唔難，但有時可能自己一個更開心」
圖片來源：youtube@Candy Yuen
