袁嘉敏自爆唔鍾意Hermès嫌LV圖案「好娘」 被網友翻舊帳曾出席品牌活動
廣告
前港姐袁嘉敏(Candy)去年4月初突然怒罵鍾培生父子係人渣，大爆收到對方提出嘅古怪要求，一度成為話題人物。其後Candy搬離香港呢個是非地搬往法國波爾多展開新生活，都不忘拍片update自己在當地嘅所見所聞。日前佢就拍片回顧過去一整年的新聞，並提及在波爾多逛Hermès時獲VIP級招待一事！
袁嘉敏不甘示弱反擊！連續出3個IG Story反擊
Candy在影片中解釋當時在地聯絡人係Hermès的VIP，先會獲對方款待。佢直言討厭 LV亦唔鍾意 Hermes(家居用品除外)，不過網友睇完後當然唔buy，翻舊帳指Candy在2021年11月曾出席LV品牌活動，根本就係拜金女一名。Candy當然不甘示弱反擊，在IG連續出3個story解釋，表示當時剛好出席珠寶發佈會後見到相隔一條街正在舉行LV品牌活動，所以先同朋友前往去觀賞表演。
自爆討厭LV嘅原因： monogram嘅圖案「好娘」
之後Candy又強調最鍾意用低調品牌，並逐一講出品牌名，佢之後再解釋自己討厭LV嘅原因，係因爲 LV monogram嘅圖案「好娘」，而Neverfull 系列亦好醜樣。之後佢在片中表示希望大家可以擺脫對佢嘅誤解，重新認識佢。
（圖片來源：Candace Yuen @youtube）
曾收到接近100個嘅「飯局」！自稱無興趣參加
其實今次Candy並非第一次強調自己並非「拜金女」一名，早年佢自爆曾收到接近100個嘅「飯局」，甚至有人開7位數港幣佢都無興趣參加，並指「我之前嘅男友都唔係咁有錢」。
強調慣咗靠自己搵錢：「下下都講錢嗰啲人我係好驚」
而早前佢拍片首度開腔剖白與鍾培生父子關係時，就曾透露13歲就靠自己打工搵錢，一直都慣咗靠自己，「其實講真我自己性格本身係好怕人哋成日都講錢嘅，即係下下都講錢嗰啲人我係好驚㗎。」當時佢表示報導出街後，令自己係大家嘅印象就係貪人錢，「好似我下下同人哋講錢呀，其實就真係唔係囉。」
關鍵詞
袁嘉敏
圖片來源：Candace Yuen @youtube、candy_kamanyuen@IG
