衛詩雅奪影后自爆想邀請未婚夫做1事 預告《破·地獄》加長版內容！
廣告
衛詩雅近日在馬來西亞舉行的《第61屆亞太影展》中榮獲最佳女主角，強勢封影后嘅衛詩雅日前（3日）就孖導演陳茂賢一同返港分享喜悅。對於《破·地獄》擁有超好成績，陳茂賢就預告加長版即將製作，而衛詩雅亦自爆最近keep住做空中飛人而引致嘅蝦碌事……
陳茂賢預告加長版《破·地獄》即將上映
陳茂賢透露，加長版《破·地獄》將會包含更多內容，片長預計達到150至160分鐘。他表示：「子華神應承咗大家嘛，破咗紀錄就會拎出嚟，我今日就會整喇！」更預告除了岑珈其的角色外，谷德昭也將在加長版中亮相！對於影片能上映至農曆新年，陳茂賢表示樂觀其成：「我梗係希望可以，你問我，我覺得可以繼續上落去，如果過年上到都好吖！」而衛詩雅即將與醫生男友周祉安結婚，陳茂賢也表示期待出席婚禮，並爆笑稱可以穿上姊妹裙參加。
衛詩雅自爆《破·地獄》勇奪影后蝦碌事
衛詩雅因工作繁忙，獲獎後都未能與未婚夫周祉安好好慶祝。衛詩雅亦透露，由於最近飛行頻繁，自己甚至一度返錯屋企：「因為太夜，落機又暈暈地，當時我call車，佢去咗第二座，我直接上咗去，當開門一刻我先至知，我冇呢對高踭鞋，我諗一諗可能去錯第二座，落返去先知真係去錯隔籬座。」
而對於蜜月旅行，衛詩雅表示尚未計劃，但就表示有邀請未婚夫邊蜜月邊出席影展：「我有問過嘅，如無意外，我哋結婚後，應該仲有唔同地方影展要去，我都有邀請佢（未婚夫），不如一齊啦？佢有少少唔知點答我，所以佢未應承會唔會同我哋一齊謝票加honey moon。」
