蘇韻姿首次回應遲到爭議 自爆遲到真兇另有其人
蘇韻姿反擊離巢各大指控
蘇韻姿近日終於對過去的遲到爭議作出回應。她在網絡節目《潮流King》中接受訪問時,堅決否認自己有紀律問題,並透露了一些不為人知的幕後情況。「緊係有唔開心,自己一直好努力做好呢份工,合作過嘅人都知我唔會擺阿姐款、唔會搞是非,所以都好無奈,最離譜傳到話我用粗口鬧珍姐。」蘇韻姿表示,雖然她在六年的拍攝期間偶爾遲到,但這並不影響她的專業表現。「咁我拍咗6年,遲1、2次點都會有,但如果真係遲得咁緊要,就一早冇得拍咁耐啦。我覺得有啲無辜,自己講嘢唔叻唔識澄清,驚答完會畀人扭曲,同埋公司教落我哋唔答,所以就一直冇回應,點知就變咗默認。」
揭露遲到真兇另有其人
蘇韻姿進一步透露,曾有其他演員遲到的情況,但她卻不幸成為替罪羊。「試過有第二個演員遲到,咁我係坐公司車去現場,但要等埋佢化妝先出車,結果有同事現場見唔到我,就話我遲到,可能大家又錫嗰位同事多啲,就入晒我數。自己又唔想篤人出嚟,慢慢就可能有咗個壞印象。」她表示,由於自己的中文表達不佳,有時也會不小心造成誤會,被誤解為態度問題,令她感到非常委屈。目前,蘇韻姿已經離開無綫,並考慮未來可能與網台合作,參與更多節目的製作。
![蘇韻姿 (圖片來源:IG@andreaso_)](https://imgs.orientalsunday.hk/wp-content/uploads/2024/06/image-6917244_1305836918667805604a9f8.jpg)
網民唔收貨一面倒喪插
雖然蘇韻姿終於開口為自己澄清,但係就似乎未獲網民同情,更被再度喪鬧:「自己遲到,但不是最遲那個就當食左死猫?」、「本身你都冇乜觀眾緣,做戲又唔係好」、「無可能只係遲到就會比人炒?應該唔止!又唔講佢post劇本上網?」、「搞咁多嘢想洗白不如努力做好現時的自己 好過。」更有網民講遲到的矛頭直指同劇的古佩玲:「遲到嘅係膠面租客熊瑞素吧, 配合珍姐劇本洩漏,遲到 但最終都係冇得續約,因為要捧膠面租客。」
![蘇韻姿 有網民留言猜測遲到的是蘇韻姿同屬《愛回家》的古佩玲。(圖片來源:YouTube@TVB USA Official)](https://imgs.orientalsunday.hk/wp-content/uploads/2024/06/-2024-06-24-10.35.34_12516677246678db7f70054-1024x764.png)
31歲蘇韻姿港姐入行8年 醒覺要襯早出外闖
蘇韻姿參選港姐入行,並在處境劇《愛.回家之開心速遞》中建立了6年的角色「熊心如」。她在離開無綫前並沒有鋪定後路,認為應該把握青春尋找新挑戰。面對事業交叉點,她與家人商量並得到支持:「依家踏入30頭,點解唔可以有新嘗試?特別女性演藝生涯要急少少,所以趁僅餘青春、仲有心、仲有火,倒不如試試,唔好驚咁多。」她相信離巢後沒有穩定收入,會更積極接洽工作。
![蘇韻姿 蘇韻姿離巢後希望可以作多方面的嘗試,試更多!(圖片來源:IG@andreaso_)](https://imgs.orientalsunday.hk/wp-content/uploads/2024/05/andreaso__1715822610_3368886691464671630_234158710_1962675757664897e97ddf8.jpg)
蘇韻姿澄清離巢TVB原因 暗示工作機會太少
有傳蘇韻姿在拍攝《愛.回家》時,因常遲到而遭雪藏,從而萌生去意。她澄清:「離開公司唔係直接同工作安排有關。除咗《愛回家》冇接觸過其他拍攝,所以拍《非份之罪》同《黑色月光》講一句好簡單對白我都好驚,好似新人咁緊張,覺得唔夠全面,要接觸多啲唔同工作。」對於後期被「離家」,她表示:「我好認真對待工作,原因就要問公司。」
近日蘇韻姿在社交平台上分享要為1800本的《愛回家》劇本留個紀念,她將劇本平鋪在房間地板上,更話房間「吉晒」都唔夠擺:「紀念一下超過1800集嘅劇本,感謝您熊心如🫶🏻搬屋先有呢個空間可以攞晒咁多年儲落嚟嘅劇本出嚟,但係我吉咗嘅房間都唔夠擺😌」睇嚟蘇韻姿對於在「家」的6年充滿懷念和不捨之情。
蘇韻姿透露未來計劃 有望再出軍舞台劇
蘇韻姿透露在離開無綫前並沒有鋪定後路,而離巢後希望能夠再演音樂劇及舞台劇,並期待有機會演奸角。去年,蘇韻姿尋找新嘗試,演出舞台劇《我們的青春日誌》,表現獲讚演技令人驚喜。
![蘇韻姿 去年,蘇韻姿尋找新嘗試,演出舞台劇《我們的青春日誌》。(圖片來源:IG@andreaso_)](https://imgs.orientalsunday.hk/wp-content/uploads/2024/04/ourjournalofspringtime_musical_1700641422_3241537654117752101_50805447667_19944930376614b32db8542.jpg)