蘇雅琳Ivy So情人節爆戀事疑有男友 「蘇蝦」心碎：21歲不應談戀情

COLLAR蘇雅琳人氣隊員：情人節放個閃！

COLLAR成員Ivy So在隊友So Ching蘇芷晴休團期間，都有出席活動，憑單人人氣依然撐得住，人氣不減！她於情人節突然公開放閃，在IG即時動態貼出合照，她頭依傍住一男生的膊頭，Ivy So笑得勁冧又單眼望鏡，並留言「情人節放個閃」更加上心心emoji，而男生的樣被遮住，看不清「男友」真面目，二人更著上情侶衛衣。Ivy So無預警下公布戀情，在網上引起激動烈討論。

蘇雅琳Ivy So親爆「男友」身份

相隔半小時，Ivy So再放出一張合照，剛才與她頭貼頭的男生，真正身份是她的親弟弟，並寫道：「18歲終於肯同我著情侶衫」，足見兩姊弟感好好，今次兩姊弟扮情侶呃晒全世界，幸好只是虛驚一場。蘇蝦們即刻放心晒，在討論區留言：「剛才半小時就像時間停頓了一樣，無法呼吸﹗」、「嚇死，以為女神要放棄我哋」、「21歲不應談戀情。」、「Ivy So同Candy都唔可以拍拖，無你哋無COLLAR」、「靠你撐起全隊COLLAR㗎，你唔好呀」、「個個都可以拍拖，唯獨IVY SO唔得」等等。

其後Ivy So又貼了工作照，原來情人節當日她在工作中度過，拍檔是陳安主及黎展峰等，後者更「萬歲」。

「寵弟控」Ivy So惹粉絲妒忌：佢細佬點忍？

其實Ivy So和細佬感情向來要好，去年《我哋係COLLAR》第4集中，Ivy So就搵埋細佬一齊出鏡，大晒錫細佬一面冧盡網民。而Ivy So細佬亦笑言：「今日你哋睇到Ivy So，都係因為我咋！」事關當初Ivy報名參加《全民造星4》時，家人都反對，唯獨細佬支持家姐去追夢。

有網民開post問「做Ivy So細佬生活點忍？」，有人讚Ivy So入得廚房「想每日食佢煮嘅嘢」，又直呼「老婆」；不過有網民則表示，如果有家姐的話不會有如此感受。有網民發現Ivy So細佬貌似鍾培生。