蔡天鳳案︳豹太受《東張》訪問為好友澄清透露生前心願

前夫涉嫌謀殺欲潛逃 父兄母三人周一提堂

28歲名媛蔡天鳳（Abby）前夫一家密謀殺人，警方就該案已拘捕死者前夫的父母及兄長3人，惟涉案前夫一度潛逃，消息指警方已於周六下午（2月25日）在東涌搜獲在逃前夫，該名姓鄺、洋名Alex男子以涉嫌謀殺，將其拘捕帶走扣查。警方暫控兩名年齡分別為31及65歲的男子合共一項謀殺罪，另外一名63歲女子一項妨礙司法公正罪。被控3人分別是死者前夫的父親、兄長和母親，案件將於星期一（27日）上午在九龍城裁判法院提堂。

豹太透露譚家一家視Abby為女兒

在2016時候，Abby與譚仔太子爺結婚，豹太在今晚（26日）TVB播出《東張西望》中，講到譚家視Abby與前夫的孩子視如己出，「譚家呢一家人好到呢，呢句係佢哋講，『每一個人都過去，我搵一個新抱，等於我個女，你要記住Abby本身同我哋係門當戶對』（唔係講到Abby嫁入豪門咁？）唔係，Abby老爺奶奶好錫Abby前夫小朋友，佢哋嘅小朋友甚至可以上佢張床瞓。」

Abby與天王嫂方嫂係好閨密

另外也有講到Abby與郭富城太太方媛是很要好的朋友，豹太說：「係呀，佢哋應該係Event識，超閨密，係同時間一齊陀BB，好friend。」

豹太爆Abby生前想幫被遺棄小動物舉辦一個慈善機構

只有28歲的Abby，豹太更說她生前還有一個願望未能實現，就是為小動物舉辦一個慈善機構，期間豹太激動爆哭：「佢自己都有養動物，佢好想幫助好多動物，好多動物畀人棄養，佢自己幫好多動物，想做好多慈善嘅嘢，所以佢先叫的一齊去做。有隻2個月大嘅貓畀車車斷手，仲要車斷幾日，成隻手都係烏蠅蟲，我都唔敢去見，而佢自己衝落去幫隻貓，佢放下身段。」

Bob：「好希望警方盡快破案，還死者一個公道。」

藝人林盛斌（Bob）曾任蔡天鳳婚禮司儀，他也有接受《東張西望》電話訪問：「我有印象中佢係好Nice、有禮貌、好客氣嘅一個女孩子，婚禮入面都好好，新郎哥家族做米線生線，我哋大家都有講笑好開心，真係冇諗過會發生咁恐怖嘅事，好希望警方盡快破案，還死者一個公道。」