萬千星輝頒獎典禮2021 | 15歲姚焯菲初嘗性感low cut裙亮相 網民緊張：行青春路線仲好！
廣告
《萬千星輝頒獎典禮2021》作為TVB年度大事，聲夢女學員當然盛裝出席，只見她們清一色以白色清純造型現身，當中15歲的姚焯菲更初嘗性感，以low cut晚裝亮相，甚有仙氣。不過網民對於露出香肩的姚焯菲則好大反應，洗版留言指打扮太成熟、暴露不適合姚焯菲的青春年紀，更擔心她著太少布而著涼！
文：東方新地 | 圖：IG@chantelyiu、TVB截圖、討論區截圖 | 編輯：Wendy （原文刊於東方新地）
萬千星輝頒獎典禮2021
姚焯菲等聲夢學員獲「最受歡迎電視歌曲」
姚焯菲和一眾聲夢學員合唱的《造夢時學會飛行》在《萬千星輝頒獎典禮2021》獲頒「最受歡迎電視歌曲」，《聲夢傳奇》更獲得最佳綜藝節目！姚焯菲孖著炎明熹、詹天文及鍾柔美，以女團After Class陣容行紅地毯，炎明熹、詹天文齊齊穿上短裙，鍾柔美則穿上中性褲裝，以清一色清純簡潔造型行紅毯，唯獨姚焯菲以較為性感的low cut傘裙出現，即引起網上熱討！
姚焯菲的少女小性感引起好大迴響，網民紛紛留言反問「點解15歲女未成年走性感路線？」、「冇晒童真」、「未成年著成咁？」、「造型師同家長唔覺得有問題？」、「咁著唔適合Chantel年齡」、「接受唔到Chantel露咁多出嚟。」
網民： 點會叫15歲嘅未成年行性感路線㗎？
網民：呢個安排係害咗佢﹗
網民：父母覺得冇問題？
