衛詩雅憑《破·地獄》奪華鼎獎「華語最佳影視女演員」對手戲深刻體會敬業樂業
廣告
在第39屆華鼎獎的頒獎典禮上，香港女演員衛詩雅（Michelle）因其在電影《破·地獄》中的出色表現，榮獲「華語最佳影視女演員」。這次的獲獎不僅是對她演技的肯定，也讓她在未來的演藝路上更加自信。
衛詩雅演技之路
去年，衛詩雅因《不日成婚2》首次獲得香港電影金像獎「最佳女主角」提名，而今年她則在澳門舉行的華鼎獎上大放異彩。除了衛詩雅外，方中信也在第三屆澳淶塢五大洲電影節金莉花獎中獲得「全球最佳男配角」，而石修和歐陽震華則擔任頒獎嘉賓。
Michelle對獲獎感言
對於這次的獲獎，Michelle表示非常激動，她認為這是對她的一個肯定和被看見的機會，「呢個獎對我嚟講太重要啦！對演員嚟講係一個肯定。亦都係提醒人哋：『我仲喺呢行㗎，大家可以搵我演戲。』憑《破·地獄》呢套電影得到嘅獎項即係代表大家好喜歡我哋嘅電影，所以好開心。」她也提到這次獲獎增加了她對未來金像獎的信心，「感覺會實在啲，信心係高咗嘅。」
《破·地獄》中角色挑戰
在《破·地獄》中，Michelle飾演的救護員角色不僅在體能上要求極高，心理層面的挑戰也非常巨大。「心理上嘅話就係大家睇過呢套電影就會明白嗰種沉鬱，長時間培養沉鬱嘅情緒，每日同屋企人好多矛盾、好多爭吵，所以嗰段時間係難過嘅；體能上除咗要練一啲儀式上嘅嘢，亦都要人做好多體能體力嘅瞓練，因為角色係一個救護員，自己對呢方面要求比較高，好希望最貼近個角色，所以有嗰一刻開始我每日都去做gym，嗰段時間體能真係幾好，同埋大隻咗好多，經過呢啲瞓練，之後我真係可以『稱」到個人上救護床。」
與許冠文難忘對手戲
在拍攝《破·地獄》期間，Michelle與資深演員許冠文（Michael）有一場深刻的對手戲。她回憶道，「Michael神喺戲入面飾演我爸爸，有一場戲係我要幫佢沖涼，我記得拍攝嘅時候係冬天，好凍，所有劇組都擔心，佢反而話：『唔緊要㗎，你哋拍到OK先。』佢為我哋嘅畫面、劇情需要行先，好唔錫身咁樣，我又心痛，覺得好深刻又覺得好犀利，好尊敬佢，喺佢身上面絕對學到乜嘢叫做敬業樂業。」
