荃灣ak豬肉威威被爆疑真正身份 並非豬肉分割員？！

網民爆出威威疑似做傳銷？！

近日有網民爆出一張疑似威威的照片，照片中該男士拎住一枝黑色產品自拍，眼利網民即指出拎呢支產品影得相就係做傳銷工作，仲指做得傳銷就無個好人。跟住網民仲搵出呢支產品功效神奇，「呢支嘢癲架，佢哋講到噴胸會豐胸，噴頭會生髮，噴臉會瘦臉，講到支嘢萬能有智慧識得知你噴緊邊。」有網民就話職業無變「咁以前職業都係劏豬，但就係劏港豬囉」「傳銷傳到做明星，好勵志，銷佬又可以宣傳」「唔怪之得唔除罩，原來做傳銷」「總之建華啲馬仔一律唔當好人」不過有網民就力撐威威「咁又點？要佢受網络公審？改過自身，己屬好事，何必要揭他瘡疤，人誰無過，豁達啲，睇開啲！放個過人，亦饒恕自己」

傳銷男相撞樣TVB「御用奸人」李天翔

傳銷男照片令唔少網民認為如果係威威本人的話，除咗罩應該可以做奸角，因為撞樣TVB「御用奸人」的李天翔！不過有網民就認為李天翔更man更靚仔！

重溫威威生日會

爆紅荃灣豬肉分割員AK威威爆紅後，粉絲知道嚟近6月8日生日的威威，幫佢大搞生日粉絲見面會，嚟個近距離接觸！6月5日荃新天地1期花園廣場，3時正開始生日會，未夠3點已聚集多名師奶粉絲，炎熱中午，粉絲們一早就舉晒牌等威威到場。威威為回饋威威豬們，仲上台表演整愛心漢堡扒，同粉絲大合照，滿足粉絲心願，早前威威喺自己的YouTube頻道中玩你問我答，威威就透露自己錫粉絲，以粉絲為先，果真無錯！威威仲因為咁多粉絲支持自己最後仲落下男兒淚，相信今次的生日會威威相當滿意！

詳情：豬肉威威荃灣生日會過百粉絲舉牌支持場面墟冚 粉絲尖叫示愛