疑荃灣豬肉佬AK威威爆紅後 串爆Mirror同Collar 指其粉絲係「傻hi」！

威威串Mirror、Collar係「cheap嘢」！

近日一個名叫苦男的youtuber於佢的youtube頻道《苦男Bitterboy》就放咗一條影片叫「豬肉佬威威大罵Anson Lo!!」，內容講述苦男頻道下的粉絲就入咗一個名叫「威威應援團（劉宋威）」的TG群組，入去後發現一個名叫威威的人就喺群組度大鬧追捧時下Viutv大熱男團mirror同女團collar的粉絲是「傻hi」，仲形容mirror同collar係「cheap嘢」：「有幾毒先會追呢班cheap嘢，day一早俾韓國淘汰咗，有能力你估佢留低咩，candy造星之前連fam j都不算，化個妝方面人變成女神，運動員？港青選秀都未入到，佢間中學d2定d3？」雖然名就叫威威，但實質係咪本人就未能確實。

威威粉絲串Anson Lo新歌《King Kong》：低賤嘅的味道

除咗該群組「威威」大串collar、mirror之外，威威粉絲即為「威威豬」都瘋狂於群組中串Anson Lo 盧瀚霆首新歌《King Kong》指Anson Lo youtube 上《King Kong》的留言很好笑，質疑其中一個留言「唱功有進步？我連佢唱緊乜x 都未知」跟住又有其他威威豬附和表示「歌又唔得，舞又唔得，樣唔得」「唔講佢樣，唔講佢身高，首歌真心難聽，啲rap好尷尬，睇一睇填詞，anal自己填，唔係話歧視定咩，英文唔好，真係唔好rap英文，只係一個local u嘅的degree仔，滿口英文accent都係低賤嘅的味道，聽到佢咁有自信咁rap出嚟，真係好尷尬」而youtuber苦男就認為首歌未至於咁難聽，而且Anson Lo英文都算唔錯，同埋攻擊都有點過份。跟住威威豬仲要講埋另一位歌手Gareth.T (湯令山) 「講下另一個樣衰歌手湯令山，佢啲英文就好聽，真係學唔到，模仿唔到」威威豬不斷數Anson lo認為佢唱唔得作又唔得，苦男就認為咁威威又有咩才能呢？所以佢極度懷疑呢班「威威豬」係建華集團的人。然後疑似威威本人又叫其威威豬們要「放下面子，支持gigi都唔好支持candy」又話「買2塊豬肉就想食我隻豬，望吓自己個樣先啦」威威呢番說話真係驚為天人，就連苦男都指有啲質疑呢個係咪真係威威本人，覺得同鏡頭前怕怕醜醜的佢實在差距甚遠。

神徙與威威豬罵戰 大爆威威係一名rapper！？

神徙得知Anson Lo俾人係咁串法點忍，就入咗該群組引發起罵戰，其一名神徙表示「呢個group各位或者admin可唔可以唔好咁低質，你可以唔鍾意人哋偶像，但你無權去dis人哋」，跟住又有一叫威威的人大爆原來威威除咗斬豬肉之外，佢真正身份係一名業餘rapper！其後不斷鬧神徙「低質」又認為喺自己的「威威」群組講呢啲嘢係無問題。苦男就評論群內的威威豬講嘢真係唔太識尊重人，而且不斷去惡意批評其他人的偶像，其實會影響威威的形象，可謂「粉絲行為，偶像買單」，粉絲的質素絕對係會代表到其偶像。佢最後睇晒啲對話後，表示對威威有感失望，認為唔知係咪威威突然爆紅，搞到講嘢語無論次，又覺得「威威同其粉絲都係非常垃圾，枉我之前仲覺得佢幾可愛害羞」。

完整影片：