荃灣豬肉佬威威拍片哭訴自己只係屋邨仔 勢要挽回師奶的心！

威威哽咽拍片澄片：我唔係黑社會

威威面對連日嚟被爆出勁多的黑歷史終於忍唔住要回應，今日（16日）於ig拍片「近日收到好多唔少的報導，好多負面的說話，話我唔係好人，話我係黑社會，首先我要澄清返，我只係一個普通屋邨成長，基層出生，亦唔係大家所講的黑社會，點解喺屋邨長大就係黑社會，點解有紋身就唔係好人，就要俾人歧視，點解我自己的事業去賣豬肉，揸把刀就要去斬人哋，之前聽好多人講人紅事是非多，實會俾人攻擊，自己明白呢個道理，但自己感受到…」條片見到威威未講完，已經哽咽講唔到落去咁，望落似因為忍唔住想喊無辦法再講。

睇吓威威點講：

網民反應2極 ：喊得有啲假

有唔少網民睇完條片都好支持威威，叫威威加油，又話「support you」「支持」「你已經做得好好」「頂住呀」但有啲網民就覺得威威好似喊極都喊唔出咁「喊到未？」「點解喊極都喊唔到？」「係咪睇緊貓紙」「有啲假喎」

重溫威威被爆黑歷史：荃灣豬肉佬威威原是古惑仔？有真面目圖！師奶FF幻滅！