Jeremy與眾星大玩《TOXIC!》Dance Challenge阿Sa壓軸登場
眾星雲集參與Dance Challenge
今次《TOXIC!》的dance challenge吸引了包括MIRROR的邱士縉（Stanley）、ERROR的肥仔、COLLAR、楊安妮（Winwin）、鄧小巧、吳林峰、雷同二友等多位藝人參與。其中，阿Sa的加入無疑是高潮部分。
阿Sa特別參與
Jeremy分享了一段小故事，透露是如何邀請到阿Sa參加這次的dance challenge。「自己以前都會成日聽阿Sa同Twins嘅歌，所以今次玩時，都有透過熟人問阿Sa可唔可以一齊玩，佢好好應承參與呢個challenge，能夠同偶像團體前輩玩呢件事係好有意思同好正！」Jeremy說。
多版本舞步設計
為了讓更多人能參與到dance challenge中，Jeremy特意準備了多個版本的舞步。「好多fans都有玩dance challenge，但今次舞步係有啲難，因為特登編難啲，所以為咗dance challenge自己都準備咗簡單版、正常版、超難版俾大家揀，去到後尾同歌手朋友玩嘅時候再簡化啲，令到就算冇咁叻跳舞嘅都可以一齊玩，所以最終有4個版本。玩完之後發覺下次可以舞步簡單啲嘅時候先嚟玩呢個dance challenge，大家會更加容易一齊玩。」
未來合作展望
除了Anson Lo，Jeremy還期待未來能與郭富城一起跳dance challenge。「跳舞梗係一定要有郭富城啦！佢真係好出色嘅跳唱歌手，一定好想同佢合作。」Jeremy表示，這次的dance challenge留給他許多難忘的回憶，特別是「咁多條dance challenge最難忘係睇到吳林峰跳舞，同埋睇到小巧好勤力去練習都係好難忘。因為我都知呢兩位係被我迫去玩，我哋玩之前其實係《三俠四義音樂會》嘅綵排日，我喺錄影之前一日先教佢哋，佢哋真係返屋企練習咗一日，到第二日真係拍時已經做完show，明明好攰但佢哋都跳得好好，又用心，所以都好多謝佢哋，同埋見到吳林峰跳舞係好cute囉！」
