豹哥豹嫂慶結婚13周年！單立文、胡蓓蔚拍拖放閃：怕老婆先會發達！
廣告
娛樂圈中嘅模範夫妻唔多，豹哥豹嫂就係令人羨慕嘅一對。日前，胡蓓蔚（豹嫂）同單立文（豹哥）就喺IG放閃，兩人出post紀念兩人結婚13周年。兩人帶著口罩深情對望，隔著個口罩都feel到兩人sweet到爆！
撰文：神仙b｜圖片：單立文IG｜編輯：海月
豹哥豹嫂慶結婚13周年
近日，胡蓓蔚與單立文兩人喺IG放閃，紀念兩人結婚13週年。兩人帶著口罩深情對望，手拖手行街。兩人又大方分享夫婦相處嘅心得。
豹嫂喺IG寫道：「你激下我，我又激下你，你氹吓我，我又氹下你，咁就13年了！Happy Anniversary Lo Gong。」
而豹哥就喺IG配文：「佢問我：我地結咗婚幾耐呀? 我:Mmmmmmm 到今日咪係十三年囉!⋯⋯如果我唔記得,你哋估吓我有乜嘢下場？」
豹哥仲標籤#其實靚仔真係冇罪嘅 #人不Marry枉少年 #十三年前的一個騙局 #其實結婚真係冇事架 #口罩下的浪漫。
#十三年前的一個騙局 #其實結婚真係 曾是不婚主義者
其實咁甜蜜嘅兩人原來曾經係不婚主義者，豹哥同豹嫂拍拖多年都冇打算結婚。兩人結婚嘅觸發點竟然係豹嫂身邊一位不婚主義嘅朋友。
該名朋友竟然突然結婚生孩子，呢件事十分觸動豹嫂，令佢有結婚嘅衝動。豹嫂坐言起行，主動向豹哥求婚，豹哥亦都乾脆咁答應。
萬事老婆話事 超級愛妻號豹哥
二人結束愛情長跑，步入婚姻殿堂之後就成為圈中模範夫妻。二人不但生活和諧，仲因興趣愛好相同，經常以夫妻檔出席時裝品牌嘅活動。
豹哥對豹嫂百般遷就，自爆咁多年來兩人吵架唔多個10次。萬事由老婆決定，包括旅遊地點、選餐廳或看電影都俾老婆扎fit。豹哥又積極融入豹嫂嘅社交圈，將老婆嘅好友當埋自己嘅好友，兩人一齊出席社交聚會，可以話係終極愛妻號～
