肥蛙上水大反擊 疑因福正叫G感情走入困境 千字文擊不實指控！

肥蛙上水回應指控 疑因福正叫G感情走入困境 千字文擊不實指控！

肥蛙今午（11日）出post千字文反擊早前肥仔所寫的「退團宣言」，當中集合了TFK成員團隊一同前往泰國「叫G之旅」的事件全貌，以及還原了面談時的「錄音事件」，再回應成員拍片方向的問題，最後又提到因為種種問題與男友福正走入「困境」，但都希望事件在TFK演唱會完結後，再得到處理。

肥蛙千字文原文

面對突如其來的事件，這段時間我一直讓自己消化沉澱和反思，希望在此詳細向大家交代一下整件事的來龍去脈，接下來我會以時間線來陳述並作出回應及說出我的感受。

關於文章中提及到 「一直監視對話內容」：
2022年10月
當時同居關係男友曾借用我的電腦登入WhatsApp 網頁版。到我使用電腦的時候，WhatsApp發出了提示的聲響。在把訊息打開後，我才為意原來他還未有登出。而一打開訊息的內容為召妓，作為女友的我不斷希望這只是一個玩笑，我按捺不住自己忍不住追看了內容，而這就是一切不愉快的開始。
對話內容曾提及準備下一次去泰國的時候如何召妓，經向男友了解之下，原來同類事情並不是第一次發生，亦不單純只是討論玩笑階段，更是曾在交往期間發生。

我從未想過這些事又發生在自己人生上，除了心痛，還是心痛，腦袋一片空白，不知道應該如何應對。
這個事情上，我確實看了他們的對話紀錄侵犯了他們的私隱，我必須為此事道歉，對不起。

2022年11月
我得知了他們有意向在泰國之旅籌備這個行為，他們亦得知群組的聊天記錄被無意中發現，及後他們向我男友表示生氣和不解，不明白為何能夠容許自己的女朋友看到自己的WhatsApp聊天紀錄。男友就WhatsApp內容被發現一事向團隊致歉，並表示他和我的手機密碼一向都是互相知悉的。

關於文章中提及到 「每次見面都會錄音錄影」：
2022年11月
他們曾主動邀約我進行面談，亦不希望更多傳言有機會傳出。
當日我應邀前往他們的工作室進行面談，期間有團員突然踢枱踢凳、大聲咆哮、情緒甚為激動。而當時只有我一位女生，當刻的情境令我感到不安和害怕。
同時男友於事前告訴我，他曾被告知假如這次面談結果不理想，就會有對他不利的事情發生。所以為了保障自身安全，當時按下了錄音自保，而錄音就只此一次。與此同時，我一直以來從來沒有進行過任何形式的錄影，我亦從來沒有要求過男友要日常錄音錄影給我。經過這晚面談，我們互相妥協並達成和平共識。

2022年12月
事情發生後，我和男友的關係都處於困境，同時演唱會亦即將舉行，時間漸漸逼近。男友稱因團隊之間一直以來的溝通營運問題，加上突如其來的感情問題，情緒面臨崩潰，把自己鎖在家裏。

他們WhatsApp向我提出「你可以做到嘅，你試吓向佢表達你可以無條件原諒佢所有過往嘅嘢，並且鼓勵佢返嚟」
當時我知道我必須要把個人情緒和理性分開 ，我表示會盡力理解和願意配合。因為我也認為他們成功完成表演為優先，我的情緒可以容後處理。

所以我和團隊都把說服男友視為首要，必須先把演唱會做好，以答謝粉絲們的等候，待演唱會完結後才處理後續的事情。
當日我帶兩位成員到男友住所，我向男友表示能夠無條件原諒他，同時他們也互相說出了一直以來的溝通營運問題，表示演唱會完結後就是重新開始。

關於文章中提及到 「關於疫情初期提供意見及想法」：
由於疫情關係，當時大家都處於一個不知該如何發展YouTube的難題，男友曾問我在室內拍攝上可有什麼題材，於是我給予個人意見作為參考，卻從來沒有要求他們一定要跟從我的意見及干預任何發展。

這幾年來，看著他們從網絡走到舞台表演，我是打從心底地地高興。我曾說過:「很榮幸可以做到你們的觀眾」，這都是真的。我衷心希望縱使大家路途不同，仍然可以各自安好。

謝謝在這段時間裡仍然選擇給我空間和安慰的親人、朋友和觀眾們。而我亦不會再作任何回應，希望日後我可以更成熟處理每一件事。謝謝

面對肥蛙的回應，網民都鼓勵肥蛙「你值得更好呀，你太大方了」、「自己嘅情緒同想法最重要」、「一直都在你身邊的」等等。

光頭幫解散｜重溫肥仔千字文宣布退出：怒揭肥娃似足恐怖情人

TFK的肥仔9月4日突然IG千字文宣傳佢會退出TFK，其原因係同成員福正出現咗問題。肥仔先指出同福正由中學時已認識，係佢最好的朋友，後來再認識埋阿奇，3人一齊玩一齊做嘢，成立TFK，後來去到疫情時開始出現變化，肥仔開始揭示KOL肥蛙恐怖女友行為，疑牽制福正TFK 3宗罪！

光頭幫解散｜福正同KOL肥蛙拍拖 開始意見多多

首先，疫情當時3人感迷惘失方向，福正當時正開始與KOL肥蛙拍拖，肥蛙俾咗好多意見同想法佢哋。雖然好感激，不過肥仔就指出肥蛙自身的成功同佢哋的成功一定有出入，唔可以將肥蛙嗰套全套複製，但肥仔知道福正除咗係TFK成員之外，另一個身份都係肥蛙的男朋友，所以對於肥蛙的意見佢同阿奇選擇體諒、迴避同埋沉默。後來，肥仔指時間耐咗，核心思想唔同咗，以前成班人周圍做嘢演出好開心，可以行得更遠，但福正就覺得一大班人會分薄咗利潤。2023年頭去咗日本玩，肥仔以為可以藉此修補關係，將大家收埋喺心底的說話攞晒出嚟講，點知返到香港即打回原形，令肥仔深受打擊。繼而演唱會出現成員提出退團、漠視成員意見、做到無覺好瞓等問題。

光頭幫解散｜監視其群組及其他對話 見面要錄音

肥仔指出最令佢認為唔可以再落去的最大誘因，係因為佢哋發現「有自己人」一直容許女朋友登入佢嘅WhatsApp，一直監視佢哋群組以及其他對話，而佢哋全然不知，感覺被嚴重侵犯私隱，其後因為呢件事，大家無再溝通。不過最誇張嘅係，肥仔指出就算當面見面溝通，竟然要錄影或者錄音，令肥仔嬲到俾唔到反應，亦反思自己係咪真係對福正咁差先會搞成咁。

最後肥仔表示TFK無辦法再行落去令佢非常心痛，已經收埋咗自己一段時間，向大家道歉，希望大家體諒。

原文如下：

光頭幫解散｜福正護航回應：唔關女朋友事大爆「Call G」事件

福正其後亦有以千字文回應肥仔的控訴，千字文回應第一句就表示而家呢刻覺得最對唔住就係佢女朋友肥蛙，因為認為佢女朋友到呢刻仲保護緊佢，無將「Call G」一事講出嚟。其後表示完全唔關佢女朋友肥蛙事，肥蛙完全唔會干涉佢係TFK所有的決定，仲唔會迫佢俾任何對話佢睇，回應「whatsapp事件」只係因為佢無喺女朋友電腦登出，唔應該怪肥蛙，只可以怪佢自己。

光頭幫解散｜錄音只係保障自己不斷約成員溝通但無用

錄音事件方面，斥肥仔無將事實的全部講晒出嚟，福正指當時因人威脅佢，同佢講要將呢件事好好處理，所以為咗保障返自己先錄音，而無錄影。其後佢指過去呢半年，不斷以唔同方式約成員溝通、接job、未來發展等，但換嚟的都係「已讀不回」。

光頭幫解散｜最想令TFK有主導權「分薄利潤」只為保障3人利益

福正表示佢最想改變TFK只係想佢哋可以有主導權，而唔係要人批准先可以做作品，同埋有關「分薄利潤」方面，佢只係想公平公道，保障佢哋3個人的利益，為咗維持營運，不過最後佢都表示係可以接受多於3個人，但亦無補於事。

福正最後表示最大感受就係自己被排擠，受侮辱，認為搞到今時今日最大原因唔係佢女朋友，而係拒絕溝通。

原文如下：

光頭幫解散｜福正曾於8月尾交代TFK動向

TFK暫停更新後，福正8月尾於社交媒體交代動向，表示完show後3人無達到共識，需要停落嚟休息吓，而佢一直等緊團隊的溝通，同回覆，但一直未有回應。

全文如下：

光頭幫解散｜網民力撐肥仔：用攬炒嚟隊班曾經嘅兄弟

網民普遍對於福正的回應都唔收貨，更質疑福正的千字文唔係福正自己打「勁x醒 先用「call g」去標籤曬所有人先 然後再講到自己幾無辜 最後就屈曬肥仔全部人唔肯溝通但明明係「福正」自己打篇文地圖炮x人先，不過呢篇寫得幾好 終於寫返岩個「既」字 等人以為係福正自己打」「打慣咗「嘅」字但又要扮係福正打「既」又真係好難嘅蛙姐 下次睇多幾次先出post啦」「你話點咪點囉蛙姐」「用攬炒嚟隊班曾經嘅兄弟」「真係忽x咗，冇咗何圖東城一丁做歌同mv你地紅x到咩 仲好意思嫌人哋分你錢」「攬炒真係好x核突 越爆越多嘢 撕破面皮就係你想要既結果？食相差到」「咩叫咁樣屈一個女人？唔通男人就可以屈？」「好肉酸 要拎call g 呢單嘢出嚟「保護」女朋友」「「到底初心去咗邊」」