ERROR肥仔正式回復單身！初戀女友宣布「分訊」：因XX而分開、慘被七仙羽一語成讖？！

撰文：海月｜圖片：肥仔＠IG、《晚吹-今晚有酒吹》電視截圖、阿芬Facebook

ERROR肥仔正式回復單身

肥仔跟拍拖8年的初戀女友「阿芬」在舞蹈學會認識，二人曾分開一段時間再復合。早前在節目中陳志雲笑言會免費做婚禮司儀，又指「鋼琴王子」陳雋騫都會幫手現場音樂，肥仔當時回應：「好勁嘅助攻，好進擊！但我過唔到自己嗰關，希望事業有成先結婚，現在還可以，但希望可以再好啲」。

不過估唔到相隔剛一個月，肥仔拍拖8年的初戀女友「阿芬」在facebook中宣布跟肥仔經已分開：

對不起，我已和 Leung Yip分開了，
最近收到好多大家對我地既祝福，
我們會將一一轉化成鼓勵。
因了解而分開其實也算是在感情路上最好的結果，我倆彼此也會在心裡互相好好祝福

希望大家繼續支持他，支持ERROR
讓他們為香港人煩惱繃緊的生活帶來幽默

雖然外界一直都對二人戀情非常看好，而且之前亦曾分開再復合，所以不少粉絲、網民都覺得今次分開很可惜，不過亦留言表示支持二人決定。

事後有網民回憶之前七仙羽七師傅醉後想幫肥仔搵女朋友，驚覺分開原來已有先兆。七師傅在《晚吹─今晚有酒吹》被娟姐爆料：「七師傅上次話要介紹位李先生畀我識，到依家都未有，仲未找數﹗」在旁的七師傅被娟姐質問，表現淡定話已經搵到適合對象介紹給娟姐，娟姐反問：「吓﹗你搵咗喇﹗你自己搵到，但唔話我知，哈哈哈﹗」

七師傅話要撮合娟姐同肥仔@ERROR

七師傅繼續氣定神閒話：「我搵到喇，吖﹗嗰個咩，嗰個ERROR個肥仔，一個武大郎，一個係潘金聯（蓮）（指住娟姐）一個單純嘅潘金蓮、一個專一嘅潘金蓮﹗」全場爆笑指未聽過潘金蓮可以用「單純」來形容。

七師傅揚言：「肥仔hold（吼）住娟姐好耐﹗」

強尼笑住話：「娟姐肯做潘金蓮，但係肥仔未必肯做武大郎﹗」七師傅立即解答：「問咗肥仔意願喇，喺化妝間﹗肥仔佢一早Hold（吼）住咗好耐，不過呢排佢好忙，日日都唱歌，忙住唱《呢啲（lady）Killer》，所以冇時間去識女仔﹗」七師傅定睛望住娟姐胸部話：「肥仔留意咗你好耐，見到你覺得你幾好，肥仔都有意思，因為肥仔嘅搵錢能力高﹗」大家笑到收唔到科，最強主持強尼都話要暫停話題：「搞唔掂，飲多枝先﹗」

超錫肥仔的初戀女友

早在《全民造星》被視為「黑馬」的肥仔（梁業），雖然最後以拉丁舞驚喜演出獲大讚，可惜最後仍在比賽中落敗。當時女友阿芬亦在到場打氣，在節目結束後在觀眾席忍不住哭了。肥仔亦曾在節目《辣伙頭》中大爆女朋友雖然廚藝差，不過亦曾為肥仔用心下廚足足兩小時慶祝情人節。而在「分訊」中，阿芬仍放話希望大家繼續支持ERROR。