聲生不息｜吳若希「反擊」楊丞琳騷實力飆高音！

聲生不息第八集，競演主題為「港樂與我的『葡萄成熟時』」上半場，有楊丞琳及周柏豪當特邀嘉賓加盟，楊丞琳仲獻唱廣東歌《越難越愛》克服了歌曲各方面的高難度順利演出。原唱吳若希得悉後，即在IG玩reels與楊丞琳隔空「合唱」，而且仲要飆高音唱和音，唱和音難過唱主旋律，大騷歌唱實力，吳若希似乎想用實力強調自己是原唱的身份！

聲生不息早前楊丞琳翻唱《越難越愛》引起話題，吳若希身為原唱都要做啲嘢。 — 早前楊丞琳翻唱《越難越愛》引起話題，吳若希身為原唱都要做啲嘢。（圖片來源：IG＠jinnyng、《聲生不息》截圖）

吳若希飆高音撼楊丞琳強調自己原唱的身份！

《聲生不息》剛播出的一集邀請到楊丞琳作特邀嘉賓，重新演繹TVB港劇神曲《越難越愛》，不少網民都感到非常驚喜，事關能夠聽到楊丞琳唱廣東歌的機會不多，影片上載至YouTube三日點擊率已超過20萬。影片爆紅引來原唱吳若希「做返啲嘢」，她在IG上出post與楊丞琳「隔空合唱」，本身《越難越愛》都夠高音，她更飆高音唱和音大晒唱功，似乎想用實力強調自己原唱的身份，實行覆桌。

即睇吳若希飆高音與楊丞琳隔空合唱《越難越愛》

網民揀原唱單憑一個原因！

吳若希此post一出已經有近1萬like，引來大批網民留言，有網民希望可以睇到吳若希與楊丞琳真正的合唱，亦有網民表示：「神曲，如果《使徒行者》冇呢首歌都做唔到經典」、「始於都係原唱最好聽」，亦有網民鍾意吳若希獨唱多啲，話楊丞琳把聲好嘈。不過比較多網民問：「點解要唱到咁高音？」可能因為本身唔熟悉音樂，事關一首歌除了大家聽到識背的主旋律之外，其實人聲部份經常會加入和音，令歌曲聽落更豐富。同埋唱和音其實比唱主旋律更高難度，一來主旋律最好記聽幾次就識背，但係唱和音唔係句句唱晒，對音準要拍子要求極高，稍有差池都會好「un耳」，所以大家睇演唱會見到通常都有幾位和音歌手就係咁嘅，佢哋唱功分分鐘勁過主流歌手。最後大部分網民都係揀吳若希，事關認為港東歌如果廣東話唔正真係差啲。

聲生不息有網民唔明點解吳若希片中要唱到咁高音，有網民解答「因為唱和音」，不過就冇解釋和音係啲乜。 — 有網民唔明點解吳若希片中要唱到咁高音，有網民解答「因為唱和音」，不過就冇解釋和音係啲乜。（圖片來源：網頁截圖）

聲生不息陳婉婷同鄧佩儀都有留言支持，另有網民提吳若希記得擺條片去小紅書。 — 陳婉婷同鄧佩儀都有留言支持，另有網民提吳若希記得擺條片去小紅書。（圖片來源：網頁截圖）

想同吳若希合唱？睇下面條片啦

楊丞琳都話《越難越愛》好難唱

楊丞琳以特邀嘉賓現身《聲生不息》，雖然她在台北長大，但原來是廣東人，她受訪時透露：「從小父親就告訴我，廣東人一定要會廣東話。」當楊丞琳獲邀出演《聲生不息》時，她先與 TVB 劇迷好友商量演出歌曲，並鎖定《使徒行者》片尾曲《越難越愛》。為了不影響樂迷觀感，楊丞琳苦練廣東話相當敬業，她說：「這首歌咬字非常的密，坦白說它的旋律也挺難，因為跨度蠻大，真假音又一直的轉換，技巧和咬字都有難度。我決定要唱甚麼歌開始的那一天，就開始把拼音及字都印出來、做筆記。每天都讀給香港的朋友聽，要她們幫我吹毛求疵的去更正。因為我選的是情歌，不能夠打斷聽得懂的人的情緒，所以標準很重要。」最終楊丞琳真的以頗為標準的廣東話，克服了歌曲各方面的高難度順利演出，獲得全場如雷掌聲。