TVB聯乘大家樂推「YES卡」 炎明熹，姚焯菲雙雙出事
廣告
TVB近日為宣傳《聲夢傳奇2》，找來本地快餐店大家樂合作，推出「YES卡」系列，當中一代學員的造型照加上閃閃發光的背景，夠晒味道。不過幾位學院的追型照似係出晒事，炎明熹慘變野口同學，姚焯菲就變埋馬蹄露？
TVB聯乘大家樂推「YES卡」 炎明熹，姚焯菲雙雙出事
「大家樂 x 青春本我」閃卡造型出事
TVB與大家樂近來合作緊密，將於下星期推出「大家樂 x 青春本我」閃卡，登場人物有：Gigi炎明熹、Chantel、Yumi、Archie、Aska、Kaitlyn，更推出「聲夢閃咭套餐」谷人氣。閃卡造型曝光後引來網民熱議，有網民表示Gigi由《魷魚遊戲》中的「木頭人」變成《櫻桃小丸子》中的野口同學，有網民指Archie與側田撞樣，Aska被指酪似長鼻猴，Kaitlyn髮型出事似「超人之母」。
睇埋其他閃卡
《聲夢2》記者會曾志偉自豪宣布：大家樂照顧晒你哋！
《聲夢傳奇2》早前舉行記者會，曾志偉興奮宣布節目將與大家樂合作，他稱對方為「最強合作夥伴」，又說：「電視界嚟講，今次係一個破天荒合作，為咗俾觀眾知道更多訊息，大家每一個分店都會見到《聲夢》的賽事成續，各式宣傳都會見到。」他又說：「有參賽擔心冇時間食嘢，今次大家樂照顧晒你哋，送到上門畀你哋食！」
網民：比KFC x COLLAR更災難級
「大家樂x青春本我」閃卡造型出事之餘，有網民形容是次宣傳是災難級：「笑咗，以為KFC將COLLAR摧毁已經係災難級，點知一山還有一山高」、「唔係人嘅問題，係市場包裝部嘅人靠害」、「高質還原90年代初Yes！卡嘅風格」、「講還講唔好貼相」、「X你個街，亞視嚟嘅？」
撰文：東方新地圖片來源：大家樂、網頁截圖、《聲夢傳奇2》記者會截圖