TVB王家衛《繁花》收視衰過《東張西望》網民力數7大問題:上網睇晒啦
《繁花》收視成年度倒數第一 衰過《東張西望》《反黑英雄》
《繁花》在中國大陸播出後大受歡迎,然而在香港的收視率卻遠低於預期。根據TVB收視率調查,過去一週的平均收視率僅維持在10%左右,與TVB自製劇平均收視率相比,只有約一半觀眾願意收看,收視率成香港年度倒數第一。更令人震驚的是,《繁花》的收視率不僅低於2023年翡翠台播出電視劇的最低紀錄,而且與熱門劇集《新聞女王》相比,觀眾數量少了近一半。根據6月30至7月1日的收視率,《繁花》最高收視得15點,而其他熱門節目《東張西望》最高收視24.2點,《反黑英雄》有24點,有觀眾開玩笑說,《繁花》似乎正在創造TVB的另一種奇蹟:「最貴的價格,最低的收視率。」
網民力數7大問題:要睇嘅人上網睇曬啦 TVB遲過人仲要無配音
不少網民對於《繁花》於TVB收視低迷原因分析7大原因,第1,轉播時機輸蝕 「要睇嘅人上煲劇網睇曬啦,tvb遲過人仲要無配音」、「人哋年頭播 你年中先播 想睇一早睇哂」第2,國語配音失真 「套嘢係上海話 連普通話都係配音」「普通話配音做乜要係TVB睇先?」第3,王家衛說故事技巧不乎合TVB劇觀眾預期,第4,故事時空跳躍 「王家衛佢啲場景不論日頭夜晚,室內定室外啲演員塊面都會反晒光,啲演員演技、服飾同場景都極造作 然後啲畫面明明可以一個鏡頭影晒,硬係要飛來飛去咁影」第5,背景音樂離地 「個背景音樂仲要係交響樂,你用番二胡啦大佬,成個畫面都同你講個世界好假,好難投入,故事幾好都無用」第6,宣傳策略牽強「tvb啲宣傳想夾硬拉到香港人睇會有共鳴」 ,第7,《東張》走勢凌厲,連續劇式偵查奇情報導引人入勝,有時又郁手郁腳有動作場面,話題遠高於需要細味的精品式電視劇,難勉輸蝕。不過不少網民亦有力撐指普遍香港觀眾都唔識貨,美感欠佳!
繁花|不設廣東話配音惹眾怒
TVB原計劃播放原版上海話版本,但由於官方拒絕,最終以普通話和上海話雙語播放,不設廣東話是這在TVB歷史上是一次前所未有的舉措。不少網民隨即留言怒轟TVB唔尊重觀眾:「係TVB冇資源,定係呢套叫做繁花嘅劇唔值得有廣東話配音?」、「冇粵語配音的外購劇,我寧願睇82台TVB Plus好過」、「沒配音,駛Q睇你無綫咩」、「完全唔尊重香港觀眾」、「香港電視台都唔用返廣東話?」
![繁花 不過網民就狠批劇集不設廣東話配音。(圖片來源:Facebook截圖)](https://imgs.orientalsunday.hk/wp-content/uploads/2024/05/whatsapp-image-2024-05-21-at-12.30.25_779238927664c2378bb945.jpeg)
繁花|網民踢爆TVB「講大話都唔識」
對於《繁花》不設廣東話配音一事,網民除咗留言鬧爆後,更有人踢爆TVB「講大話都唔識」:「《繁花》以上海話拍攝,上海話至係原版。所以《繁花》擺無記(TVB)播,第一聲道應該係上海話,第二聲道應該搵廣東話配音至係啊,因為香港播。」
![繁花 更有網民踢爆TVB「講大話都唔識」。(圖片來源:Facebook截圖)](https://imgs.orientalsunday.hk/wp-content/uploads/2024/05/whatsapp-image-2024-05-21-at-11.33.10_732844326664c1cd204be3.jpeg)
網民更續指:「上網睇咗而家廣播節目規定,中文台可以播唔超過廣播時間10%嘅普通話節目,字面理解啫係1日24小時播放就可以有唔超過2.4小時嘅普通話。所以上海話唔可以攞第一語言。但又好認同你既然普通話都係配都係唔原汁原味都可以配,點解王大導又唔俾配粵語呢。」
![繁花 據悉導演王家衛為了呈獻最原汁原味的版本,最後決定只設有上海話以及普通話聲道。(圖片來源:TVB)](https://imgs.orientalsunday.hk/wp-content/uploads/2024/05/-2024-05-21-12.18.33_1997927820664c2391eb2ca-1024x657.png)