給十九歲的我丨莫竣名、林作發文大鬧李慧詩 網民：以為眾人皆醉我獨醒？

給十九歲的我︳「牛下女車神」李慧詩發聲：氣在心頭

對於張婉婷執導的《給十九歲的我》李慧詩於社交平台發聲，指電影中自己的訪問片段係並未經過授權，就連「知會」一聲都無，雖然並無犯法，但認為自己不被受尊重，強調自己唔會睇呢套電影，亦唔鼓勵人睇。

給十九歲的我︳莫竣名唔撐女車神：電視就得點解電影就唔得？

曾擔任ViuTV《入住請敲門》節目主持莫竣名對於女車神的發聲，就表示不解！莫竣名於ig story轉發張婉婷致歉以及宣布暫停公映的消息，打上「張婉婷導演作為事件嘅高牆已道歉同撤回作品。另一埲高牆又會唔會學習以及效仿？」跟住莫竣名轉發一張有3個保安的相片，問大家佢有冇權限放上ig的public account，似乎有所暗示。接著佢直接放上「牛下女車神」的新聞報導，連環出story問大家「咁電影中加入訪問片段是否不道德」「係咪新聞播就無問題，電影播就有問題？新聞自由＞創作自己？」又指「電視（新聞）係涉及商業成份，電影都係，所以分別喺邊？」「電視可以有新聞，電影唔可以？」跟住有網民就反駁莫竣名，指張婉婷扮記者做訪問已經係唔道德，而佢訪問的目的係放喺紀錄片，唔係好似平時咁樣引用新聞報導，莫竣名就回應以佢所知，好多拍攝都係未經批准同埋假扮批准而完成，仲話TVB同Now的新聞稿都唔會一樣啦，反問咩叫「引用新聞」。莫竣名評論今次《給十九歲的我》的事件，張婉婷以及校方最大問題就係強行公映，但係並不明白李慧詩的部份，認為點解電視播就得電影播就唔得，仲舉例，假如有人喺街做訪問，問人聽緊咩歌，然後將整個訪問拍成120分鐘電影版，咁係咪亦等同有問題？

莫竣名ig story原文：

給十九歲的我︳林作鬧李慧詩鬧埋主角：假仁假義！

林作指自己忍咗好耐，要憑著良心出嚟評論吓事件，首先鬧主角阿聆有矛盾，學校放就無問題，電影上就唔ok。其次就係李慧詩，指佢假仁假義，訪問內容上電視定電影有咩分別，而且只係得十幾秒的場口，反問「現在叫你表演了嗎？你演戲了嗎？這部電影就是靠你有人看嗎？拿獎是一名為你嗎？」

給十九歲的我︳網民大鬧莫竣名、林作：完全不認同

莫竣名、林作的評論被網民大鬧「人地點知你有冇拎段訪問去段章取義，有啲新聞台都做過啦，李慧詩咁鬧有咩問題」「條友又嚟眾人皆醉我獨醒」「新聞駛唔駛買戲飛先睇到？受訪完李慧詩每段新聞有冇錢收？」「莫竣名似係想借機x now 同tvb」「根本唔係邊到播既問題，而係導演冇同李慧詩講過段訪問會用係邊，人哋以為係體育新聞用途先接受訪問」「其實佢知唔知提供新聞報導係免費電視發牌條件，電視新聞唔係商業節目」有網民都表示理解莫竣名的提問「我get到佢其中一個pt，有段新聞片係情人節旺角花墟，記者問受訪者點解買兩紥花，個受訪者問：你仲問，唔比得老婆知架，好明顯受訪者就唔consent片段可以出街，但最後當然照出，然後每年情人節都會有網民翻炒片段黎恥笑受訪者，所以MCM問點解大眾覺得新聞可以咁做，但紀錄片又唔得」。林作的言論被網民指佢出嚟抽水食花生「其實阿聆怕嘅就係會有林作呢啲咁嘅人仆出嚟指指點點」「條友知唔知人地嗰時未成年？」「智障認證」「接受訪問就一定要被放上大銀幕？你既訪問就話廉價，李慧詩的不是。」「Sorry，完全不認同你的觀點」不過都有網民支持佢的言論「講得啱，拍咗咁多年，居然話自己唔同意！真係莫明奇妙！公道啲」「一直就覺得林作係實況中的林涼水」