300磅「細細粒」陳嘉佳激減110磅呼籲想拍拖？男網民即自薦！

體重曾直迫300磅的「細細粒」陳嘉佳，轉戰內地擔任「吃播主」做得有聲有色，在減肥路上就一直跌跌碰碰。惟去年4月開始細細粒積極減肥，不出半年已成功減掉110磅，直情減咗「一個人」出來，網民都大讚厲害。

細細粒7個月瘋狂搣脂近一百磅預告bikini照！

細細粒旅行期間靠一招減肥以減至120磅為目標回港度歲的細細粒，2月23日於社交網上載為某週刊拍攝的泳衣照，當中她寫道：「用咗7個月左右，我做了一件人生本以為無可能發生既事（減肥），我要為自己驕傲一次，今年夏天bikini照120磅，約定你。」網民紛紛留言鼓勵：「妳原本都好靚，但瘦咗後仲靚」、「真心佩服！」、「港版的賈玲，努力加油呀」、「我都曾經由223磅減到180磅，所以好真心佩服妳嘅毅力」、「好勵志」。某網民更留言指細細粒有點像郭羨妮。

細細粒想拍拖叫大家介紹男仔俾佢即引狂蜂浪蝶

據報導所說，細細粒現在重165磅，穿上一件頭泳衣的她明顯瘦了幾個圈，訪問中她稱以130磅為目標，惟她於IG寫道以120磅為終極目標，似乎她信心超強，對自己亦要求高。另外成功瘦身的細細粒恨拍拖，呼籲大家有男士可以介紹給她，隨即有男網民留言想自薦「妳好陳小姐，恭喜減肥成效⋯⋯我睇咗Youtube，我都係一個獨子，父母都現在已經80幾同90頭。我已經離婚四年！父母驚佢哋走咗後，只有我自己一個，所以我都嘗試自薦俾妳！唔知道是否天真妄想？我都想有機偶（會）識到另一半到老，妳可以當我痴心妄想⋯⋯」！今年元旦，細細粒上載一短片，片中她身穿紅色衫，轉身回眸一幕予人眼前一亮，減磅之後的她五官更見標緻，化埋妝都真的幾靚女。當時她透露新年願望是：「我今年要120斤 (即132磅)！」

瘦晒細細粒照：

細細粒公開體重高峰期達287磅

陳嘉佳（細細粒）跟王祖藍轉戰內地後人氣急升，經常拍抖音直播大飲大食，成為美食帶貨達人！不過咁樣大飲大食法，細細粒今鋪真係要變大粒粒？細細粒因瘋狂出吃播暴飲暴食，而且食物份量都非常驚人，網民都指佢嘅食量係「一家人的份量」，開始都為細細粒的身體狀況感到擔憂提醒「要注意健康！」「成日咁食遲早身體出事」「欣宜都已經去咗減肥」細細粒曾以題為「260斤薇薇安養成記」拍片，公開體重高峰期達287磅，表示自己胖了30年了！