馮德倫與吳彥祖紐約時裝周重逢齊齊欣賞Ralph Lauren 2025春夏系列

時裝騷盛況空前

Ralph Lauren於香港時間昨天早上在紐約The Hamptons的The Khalily Stables舉行2025春夏系列時裝騷，開啟了紐約時裝周的序幕。此次時裝騷不僅吸引了眾多國際巨星，包括英國男星Jude Law、美國R&B歌手Usher、韓國演員柳俊烈及女團aespa的成員Winter和鄭秀晶，更有90年代超模Naomi Campbell與Christy Turlington共同演繹奢華系列，場面極為壯觀。

老友重逢共賞時尚

Stephen與Daniel的友誼已近30年，這次紐約之旅是他們首次一同出席時裝騷。「今次好開心同榮幸能夠出席Ralph Lauren嘅時裝騷，亦都唔係第一次嚟到美國參加呢個品牌嘅活動，其實每個地方都有唔同特色，今次喺The Hamptons呢個地方開騷，我都係第一次嚟呢度，我知道呢個地方係好多人嚟渡假、天氣好好、陽光海灘嘅地方。我經常都會出席時裝騷，今次同好朋友Daniel一齊參加，聽講佢係第一次睇時裝騷，我都好surprise，有多個朋友傾偈都好開心。」Daniel則表示：「因為咁大個第一次睇國際性嘅時裝騷，好開心同老友Stephen一齊，我哋已經有差不多30年嘅友情，所以一知道可以一齊參加真係好開心。」兩位明星的再次合體，讓不少影迷懷念他們當年合演的《美少年之戀》，並在網上留言表示支持。