叱咤903籃球賽強勢回歸DJ與歌星隊伍火花四射對決
廣告
叱咤903宣布將於2024年11月23日（星期六）再次舉辦《903 AllStar 籃球賽》，賽事將在亞洲國際博覽館AsiaWorld Arena舉行。今年的比賽將由森美帶領的「九零三人隊」對抗張繼聰領軍的「歌星勇士隊」。兩隊將在籃球場上展開激烈的對決，屆時將有眾多知名歌手和DJ參賽，包括Dear Jane、ERROR、Gareth. T、kayan9896、Lolly Talk、MIRROR等。
激烈對抗再續前緣
去年的比賽中，「歌星勇士隊」在最後關頭以一分之差逆轉勝「九零三人隊」。今年，隊長張繼聰對於隊伍的表現充滿信心，他表示：「我同大部分歌手一齊打過波，MIRROR、吳林峰、Jay Fung（馮允謙）、Mandy（譚旻萱）都好打得，基本上全部都打得好好。至於新加入嘅女隊員，就算我未睇過佢哋嘅球技，佢哋嘅外表好亮麗，一落場就會好出色。今次我擔任隊長，最重要係點樣安排歌手落場，所以責任非常之重大。」他還透露了對策，強調減少自己的出場時間以提昇隊伍整體表現。
森美挑戰對手
對於即將到來的比賽，「九零三人隊」隊長森美表示，他們將利用團隊協作來對抗對手的技術優勢。森美說：「本來大家係好朋友，今次真係要化成仇敵。『歌星勇士隊』隊員球技精湛，個個都係燦爛、瀟灑、具光芒。不過佢哋嘅團結力一定無我哋『九零三人隊』咁好，我哋會針對佢哋呢個弱點。我哋練習咗好多個星期準備今次《903 AllStar 籃球賽》，會以默契取勝。佢哋贏個人技術，我哋贏團體精神。其實贏輸唔緊要，最緊要打出一場競爭激烈嘅精彩球賽。」
