籃球女神Mandy譚旻萱新廣告遭導演叫停 笑言打波習慣「狼死」難改

Mandy「我打波時個樣太凶狠」

一旦手持籃球，Mandy立刻變得精神抖擻，全神貫注地與對手對戰。然而，導演卻因為她在比賽中過於投入，面部表情顯得過於「狼死」，即凶狠，而不得不叫停拍攝，引起現場一陣哄笑。「我好鍾意打籃球，所以每逢工作時要打籃球都會覺得唔似做嘢，係好開心嘅。最搞笑係導演覺得我打波時個樣太凶狠，因為自己太投入冇注意到。」Mandy笑著分享。

一次意外差點毀容

Mandy回憶起自己初入行時在籃球場上的一次意外，差點毀容。「之前曾經同啲叔叔打波，對方要護住個波，就批踭批到我個嘴，撞爆咗個嘴，當時我都好痛，仲有喊，但我唔係因為痛而喊，而係驚毀容，覺得自己會玩完，要另謀生計……好彩爆嘅係嘴脣入面，自此公司就嚴禁我打波打得太狠，其實長大後我個人係文靜咗，但係打波習慣偏狼死，有啲難改。」她坦言。

為新挑戰不斷增值自己

為了迎接未來的新挑戰，Mandy積極進行自我增值，包括瘋狂做gym、跑步、學習表演和武術。「為之後嘅工作做好準備，嚟緊會有新挑戰，一直上緊堂學緊嘢、勤力啲做gym，飲食都要節制嚇，食得清啲，都想減嚇磅，減嚇而家嘅幸福包包面。」Mandy表示，她正在為自己的未來做準備。