簡淑兒直認「難忘舊愛」Marcus、新歡麥大力慘變「愛的替身」？
廣告
簡淑兒（Jessica）早前被爆跟前機師麥大力拍拖，更十指緊扣當街纏綿。二人事後亦大方認愛，不過簡淑兒日前就承認難忘前度，更話「心中為舊愛永留位置」。
撰文：東方新地 ｜圖片：簡淑兒 IG、麥大力 IG、新傳媒圖庫｜編輯：20｜原文刊於：東方新地
承認最難忘前度Marcus
31歲的簡淑兒（Jessica）早前被踢爆，與前機師現年35歲的麥大力拍拖，二人被拍得十指緊扣當街纏綿，簡淑兒更被男方從後熊抱，情到濃時戴住口罩都隔罩錫錫，非常甜蜜，之後二人大方認愛。不過簡淑兒日前接受傳媒訪問，談到最難忘的戀愛，簡淑兒卻承認最難忘前度Marcus，因為二人「同聲同氣」由外地回港，年紀相約，是一位會令佢諗未來的對象。
家人認為二人關係難以維持
至於講到分手原因，簡淑兒表示因爲Marcus不夠成熟，未能與自己同步成長，開始經常鬧交，連家人都認為二人關係難以維持，到最後分手收場。雖然之後二人經歷離離合合，如今只維持朋友關係，但簡淑兒承認前度Marcus在心中佔有重要位置，更直言：「無論日後發生咩事，我個心都會有一個位置留畀佢。」講到咁，唔知現任男友麥大力會唔會呷醋呢？
