盧瀚霆新歌《致我》融入生活體驗分享尋找內心平靜之旅

香港歌手盧瀚霆（Anson Lo）近期推出新歌《致我》，透過音樂分享他尋找工作與生活平衡的新體驗。盧瀚霆今年初設定目標實現工作與生活的平衡，他回顧過去十個月的生活變化，感到自己已經開始慢下來。「喺工作與工作之間，花多咗時間同屋企人食飯，亦都喺放假、放break嘅日子，走上山睇下風景行下，令到自己內在平靜咗好多。」因此，他決定將這段生活體驗融入他的新歌中，希望能與樂迷共享這份寧靜美。然而，在拍攝相關音樂錄影帶（MV）時，他卻感到前所未有的迷茫。

創作背後靈感與合作

盧瀚霆的新歌《致我》再次與填詞人周耀輝合作，將他的個人感受轉化成歌詞。「《致我》搵咗周耀輝填詞，靈感來源來自我行山或者去沙灘休息，之前喺social media都有分享一啲我去沙灘嘅經歷，年尾好想回顧一下，就用咗沙灘嘅休息時間，作為今次歌曲主題。」他表示，這首歌既是送給自己，也是送給那些在繁忙城市中尋找寧靜和簡單生活節奏的人。「呢首歌係送俾每日喺呢個咁繁忙城市裡面嘅人，希望大家可以抖抖氣，放慢腳步，去搵返寧靜，同埋搵返簡單生活節奏。」盧瀚霆坦言，他以前很少進行戶外活動，但今年開始有所改變，「自己好少有戶外活動或者行山活動，但今年想突破下自己，發覺同大自然相處，自己會舒服啲。」

音樂錄影帶創新與挑戰

為了配合《致我》的主題，MV採用了長鏡頭來拍攝，呈現一種無物一身輕的簡單生活。「MV係講我自己喺間屋入面，本身自己係一個比較沉靜鬱悶狀態，喺每次一shot落嘅畫面，後面布景會愈嚟愈少嘢，甚至後面所有傢俬最後係封晒，慢慢由一個齊全屋企變成一個好簡單，甚至乜嘢都冇晒嘅屋企，喻意最簡單生活模式，都可以做到一個好開心、平靜感覺。MV會見到一幅畫，喻意MV男主角望住幅畫好似去咗一個沙灘，原來回歸大自然係佢最想要嘅嘢，同埋最開心moment。」盧瀚霆描述，雖然理論上MV的製作應該很簡單，但實際上卻充滿挑戰。「今次係我拍過嘅MV入面最迷茫一次，因為以往係跳舞為主，或者慢歌都係有故事情節嘅嘢，來得比較直接，但今次比較moody，喻意多啲，節奏比較慢，我係對呢種拍攝手法好陌生，出道6年都冇試過呢種拍攝方式同節奏，就算戲劇嘅演出經驗都好少。」他感謝導演和所有工作人員的幫助，「其實BTS見到我係好迷茫，好多時唔知做緊乜，所以要好多謝導演同埋所有crew嘅幫手，大家見到一個好簡單嘅呈現模式，但其實背後用咗超級多時間去排，甚至我落場排之前，所有工作人員先排一次，所以你見到每個take背後都排咗十次以上，先可以做到呢個效果。」