王淨同56歲演員挑戰最大尺度超激露骨床戰！ 身材零贅肉獲網民甘拜下風！
廣告
要數到近年台灣最受矚目女演員，今年25歲嘅王淨必定榜上有名啦！有演技實力又有超高顏值嘅佢，係出道第二年即2019年出演電影《返校》就獲提名金馬最佳女主角獎，作品一部接一部，前年擔任九把刀電影作品《月老》飾演Pinky一角，一頭超搶眼粉紅髮色，加上演技佻皮可愛，深受網民喜愛，演藝之路都獲一致看好！最近她有份出演嘅台劇《人選之人-造浪者》播出後，劇中佢同56歲資深演員戴立忍上演一幕超激露骨床戰，挑戰從影最大尺度，引起網民討論！
愛上政壇老狐狸！陷入不倫戀甘願做小三
先講下劇情，戴立忍飾演立法院長兼副總統參選人「趙昌澤」一角，縱橫政壇多年，可以話係老狐狸一名。而王淨則飾演佢任教嘅大學學生「張亞靜」，非常愛慕「趙昌澤」，甘願做小三，令自己陷入不倫戀。而張亞靜亦經常係男方辦公室進行「大戰」，而身為老狐狸嘅趙昌澤亦睇中呢點，甚至拎手機誘拍私密床照，而女方為咗得到男友嘅心，係自願情況下讓對方任影唔嬲！
新劇全裸上陣露出誘人pat pat！IG大方曬bikini相
而王淨為咗呢場床戲不惜全裸上陣，甚至露出誘人pat pat，雪白肌膚同完美身材一覽無遺，大膽尺度可以話令一班網民大噴鼻血。其實過去王淨不時係IG大方晒身材，今個月初到新加坡旅行曬出bikini相，身上零贅肉，唔少網民都話完全係甘拜下風。
感情生活備受關注！男友位位都係「男神級」！
演技實力十足嘅王淨，感情生活一向都十分受媒體關注，最出名嘅一定過去幾年嘅男友名字中都有「柏」字，而且位位都係「男神級」，包括林柏叡、王柏傑、宋柏緯！而去年王淨與宋柏緯結束2年情後，到今年年初佢被台灣網民目擊同男演員曹佑寧手拖手係士林夜市行街，二人其後大方承認戀情，低調係IG放閃！
圖片來源：Netflix@《人選之人-造浪者》、_Instagram@edisonsoong、Instagram@tsaoyuning、 Instagram@_ginglebellaaa
