王梓軒歐洲三地忙碌行程分享未來大型音樂節籌備計劃

王梓軒近日完成了一趟歐洲三地的忙碌行程，並在康城電影節上推銷了兩部籌備中的電影。在他38歲生日的前夕，一群熱情的軒迷在藝穗會為他舉辦了一場盛大的生日派對。王梓軒在派對上感謝粉絲多年來的支持，並分享了他的歐洲之旅和下半年的計劃。「有啲計劃做咗幾年，的確比我想像中大型同辛苦，更可以同世界各地咁多人成就咁多咁好嘅作品，我都唔知幾時開始有呢種運氣，但係好感激每位沿途出現過嘅人。」他興奮地描述了粉絲為他準備的立體蛋糕，「首先要好多謝整餅師傅Jimmy，呢個蛋糕最底嗰層就係菲林，仲整咗我啲相喺度，然後中間係個舞台，啲音符好似衝上雲霄咁，有晒射燈，每盞都著到㗎，上面有隻飛機環遊全世界。我諗佢哋係喻意我哋嘅歌影視，台前同幕後嘅工作，都可以遍佈呢個地球，我好多謝佢哋嘅願景。」

工作狂的歐洲行

王梓軒的歐洲之旅不僅是為了工作，還包括了與國際電影人的交流。「去咗羅馬、康城同維也納，其實本身係有少少唔記得咗要慶祝生日嘅，因為最近行程都比較忙，塞滿咗個schdule，好彩有啲同事提醒我，不如搞個聚會啦。」他在康城電影節上與多位電影人建立了聯繫，並與張艾嘉及山田孝之交流，「我自己都好鍾意睇山田孝之嘅作品，從中得到好多啟發，佢真係好出色，形象同演技都咁多變，我真係好想拜佢為師學嚇嘢，如果有機會都好想邀請佢合作。而張姐（張艾嘉）就喺一個電影項目上俾咗好多意見我，我覺得非常感恩，所以可以喺康城見到兩位我都好開心、好榮幸！」

分享下半年大計

王梓軒在羅馬的行程中，特意參觀了利瑪竇神父的母校羅馬學院，並與當地劇場人士進行了深入交流。他透露，為了保持最佳狀態，已經開始實行Paleo Diet。「Paleo Diet主要都係減少人造糖、戒五殼同澱粉質，去到意大利全部出名嗰啲Pizza、Gelato、意大利粉、都係澱粉質同糖，好彩當地識咗個新朋友，介紹我去成個意大利唯一一間生酮餐廳，因為Paleo Diet同生酮食嘅嘢有啲似，嗰度排晒長龍，因為真係好好食，如果我哋可以助佢一臂之力，有機會帶佢嚟亞洲，到時大家都要試嚇。」他期待今年內可以邀請更多國際朋友來港合作，並透露已經在籌備一個大型音樂節，「又係密鑼緊鼓啦，年尾要做，而家開始籌備都好趕，不過我嘅團隊好勁嘅。就係咁啦，歌影視，希望可以我又係，我啲朋友又係，坐住架飛機周圍走，做啲好嘢畀大家睇。」