29歲王卓淇網上照騙呃Like 病妝拍劇闊面現形

廣告

有家底果然豪啲，14年港姐亞軍王卓淇在社交網豪放盡現，平時晒胸晒腿影勻家中每個角落，日前29歲生日更大派福利賀壽，張張相都身形修長塊面零死角，吸納近23萬粉絲。不過最近王卓淇在無綫劇《那些我愛過的人》飾演車禍後毀容又受癌魔折磨的龔芊芊，病妝出鏡面目全非，V面變闊面，就連她自己都話醜到喊。社交網po相靠美圖，上鏡就靠化濃妝，王卓淇真人露相，又一宗網上照騙。

撰文、圖片：東方新地丨原文刊於：東方新地丨編輯：白子

王卓淇新劇犧牲色相自覺醜到喊

王卓淇在無綫劇《那些我愛過的人》飾演七年前遇車禍的傷者龔芊芊，因車禍延治令手腳不可再如常人，更禍不單行患癌，只可在醫院度過餘生。對王卓淇來說，角色唔難演，不過她卻付出甚大，因為要犧牲色相。

王卓淇, TVB, 那些我愛過的人, 港姐 — 早前王卓淇在IG預告迎接29歲生日，身穿低胸露腰裝襯超短熱褲，仲擘大對髀意態撩人，以另類方式為自己賀壽。

王卓淇, TVB, 那些我愛過的人, 港姐 — 王卓淇放得上IG的照片，全部都經過嚴格審核先出街，面形零死角，絕無瑕疵。

據知情者透露：「 Erin（王卓淇）為人咁貪靚，當初接到劇本時佢都有掙扎過，因為成套劇佢都係以病妝見人，幾乎全部戲份都喺醫院，佢心知一定有咁醜得咁醜，不過監製同佢講想上位就唔可以做花瓶，無論咩角色都要去挑選，最後佢亦願意去試。」

王卓淇，TVB，那些我愛過的人 — 在新劇《那些我愛過的人》中，王卓淇以真面目示人，闊面起晒角，腮骨亦現形，冇得化妝真係神仙都難變。

王卓淇，TVB，那些我愛過的人 — 王卓淇在《那些我愛過的人》中因車禍受重傷，經歷坎坷，因為毀容及患癌，全程以病樣出鏡，她被網民讚演技有進步。

王卓淇, TVB, 那些我愛過的人, 港姐 — 王卓淇飾演的龔芊芊與當年因車禍失憶的男友Edison重逢，但她已時日無多，婚禮一幕非常催淚，王卓淇終於有一幕可以化妝，不過就流晒鼻血歸天。

王卓淇, TVB, 那些我愛過的人, 港姐 — 愛靚如命的王卓淇，在IG表示看到電視中好醜樣的自己，忍唔住喊了出
來。

素顏現形王卓淇真人與IG判若兩人

平時在社交網打扮到花枝招展，每張照片都經過美圖及嚴格 QC後才見人的王卓淇，在劇中一副病容令不少觀眾唔認得她，知情者說：「套劇播到十幾集，仲有好多人問嗰個癌症病人係邊個，冇 P圖嘅 Erin素顏現晒形，塊面闊過 Pizza，五官亦冇晒立體感，同平時 IG見到嘅佢真係差天共地，粉絲都畀佢呃晒！」愛晒身材同靚樣的王卓淇當然驚跌粉，所以她連日在社交網解釋自己係為部劇，係專業嘅表現，愛靚唔係錯，P圖還 P圖，不過唔好同真相偏離太遠囉！

王卓淇, TVB, 那些我愛過的人, 港姐 — 王卓淇經選港姐入行六年，除了拍劇，她也在網上經營個人生意，代理瘦身產品，著泳衣影相性感出擊，自己做埋生招牌。

王卓淇, TVB, 那些我愛過的人, 港姐 — 為了宣傳新產品，王卓淇頻頻谷胸晒纖腰及長腿，大騷身材，非常養眼，她表示IG內好多靚相都是由母親代勞拍攝。

王卓淇, TVB, 那些我愛過的人, 港姐 — 家中的每個角落都是王卓淇取景的地方，廁所與廚房出鏡率甚高，而她所擺的甫士就被指過分賣弄身材，呃like成功。

王卓淇, TVB, 那些我愛過的人, 港姐 — 王卓淇早於選港姐時已被揭是富家女，爸爸是護膚品生產商，更在內地擁有50萬呎廠房，一家在海外亦有多個物業揸手，非常富貴。

王卓淇, TVB, 那些我愛過的人, 港姐 — 最近王卓淇創立屬於自己的時裝品牌，當是今年送給自己的生日禮物，日前她身穿自己設計的貓仔Tee，仲刻意捲起衫身晒腰。

同場加映

港姐陳曉華25歲處女拍劇《迷網》做女二極速彈起同高Ling爭仔無難度?

關鍵詞