無間道20週年 | 盤點11位演員當年今日 梁朝偉仲係勁型
1）梁朝偉 飾陳永仁
主演《無間道》的梁朝偉在20年前，還是20年後依然英俊瀟灑，雖然早前在韓國釜山參加電影節嘅時候被調侃造型似成龍，但以60歲來講，算係Keep得唔錯！
2）劉德華 飾劉健明
《無間道》的另一核心主角劉德華，當年型都爆燈就唔洗講，今年61歲的他依然帥氣十足，風采不減！
3）余文樂 飾陳永仁（青年）
於《無間道》中飾演梁朝偉青年時期的余文樂，當年以型格潮人的形象示人，被奉為「潮人」的穿搭典範。可是在2017年結婚之後，余文樂就開始發胖走樣，當年嘅靚仔樣完全失蹤！
4）陳冠希 飾劉健明（青年）
在《無間道》中飾演劉德華青年時期的陳冠希，當年被堪稱為「亞洲最帥的面孔」，可惜在20年後顏值大跌watt變大叔！
5）鄭秀文 飾劉健明妻子Mary
於戲中飾演劉德華妻子的鄭秀文，雖然20年來經歷過無數風波，包括老公許志安偷食醜聞等，但鄭秀文依然冇自暴自棄，反而狀態大勇，繼續爆肌大曬美好身形！
6）陳慧琳 飾李心兒
《無間道》中飾演心理醫生的陳慧琳，雖然在20年後已經育有大仔劉昇（蝦餃仔）同細仔劉琛（小籠包），無論身材和樣貌都依然與20年前無異！
7）蕭亞軒 飾陳永仁前女友
在《無間道》飾演梁朝偉前度女友的蕭亞軒，雖然當年只有一場戲份，但清純的美貌依然吸引到大批觀眾。20年來，蕭亞軒一直變臉，早前出席台灣金曲獎時後的她亦與20年前判若兩人。
8）梁超怡 飾陳永仁女兒
2022年香港小姐季軍梁超怡，原來在20年前已經以童星身份飾演梁朝偉蕭亞軒和的親生女兒。當年包包面嘅梁超怡已經眼大大又可愛！
9）袁偉豪 飾刑事情報科成員
唔講唔知，原來近年新聞多多的袁偉豪曾經出演過《無間道》全系列，雖然只係演冇乜對白嘅刑事情報科成員，但依然有大頭鏡頭，當年嘅袁偉豪非常青澀！
10）趙頌茹 飾鄭秀文少女版（劉健明妻）
當時出道不久的趙頌茹，在《無間道》中飾演鄭秀文的年輕版本。20年後的趙頌茹，雖然與前夫周永恆經歷過不少風波，但走出陰霾的趙頌茹重新振作，早前在《金宵大廈2》的表現獲大眾好評！
11）傅嘉莉 飾蕭亞軒少女版（陳永仁前度）
大家又知唔知道原來傅嘉莉都有份拍過《無間道》呢？傅嘉莉當年在《無間道》飾演余文樂的女朋友，亦是蕭亞軒的少女版。雖然今年傅嘉莉已經37歲，但依然keep住童顏靚女！
