炎明熹親解內地公司天價過檔 認未續約TVB繼續冇人到場採訪
廣告
聲夢小天后炎明熹(Gigi)最近連環陷入雪藏及離巢風波,日前Gigi現身機場出席活動,吸引大批fans到場支持,人氣似乎未受傳聞影響。不過未同TVB傾掂合約的炎明熹今次活動就依然未獲大台派員採訪,Gigi事後接受傳媒採訪時亦有再談及此事,仲開腔透露目前與TVB的合約問題,以及回應有傳內地公司以天價邀請佢過檔的傳聞……
炎明熹認仲未續約TVB
自從離巢的傳言一出,炎明熹疑隨即被TVB雪藏,現時就算出席活動都冇TVB記者到場採訪。對於今次依然冇TVB記者到場一事,炎明熹就笑稱可能係地點太遠同埋檔期問題,高EQ化解尷尬。而被問到與TVB的合約進展時,炎明熹就坦言仲未與TVB繼約,目前仍在討論階段,而自己對於未來亦保持開放態度。炎明熹透露家人都唔知太多關於自己合約的問題,仲搞笑表示可能自己第時會去咗做空姐都話唔定。
![炎明熹 炎明熹以往有任何活動時,TVB都會派員採訪,不過自從傳出Gigi有意離巢的消息後,TVB就冇再派員到場進行採訪。(圖片來源:YouTube@TVB娛樂新聞台)](https://imgs.orientalsunday.hk/wp-content/uploads/2024/07/-2024-07-19-12.16.53_1454014496699e8c03f2bb.png)
炎明熹親解內地公司天價過檔傳聞
最近更有傳炎明熹被內地公司以天價邀請過檔,Gigi就表示自己都唔知有呢件事,不過就唔抗拒有新嘅發展。炎明熹亦坦言有唔同嘅發展其實都有好有壞,雖然依家都未知最後嘅發展係點,不過自己就咩都想去試吓,去發掘自己嘅潛能。
![炎明熹 炎明熹曾參加由內地芒果TV與TVB聯合製作的「香港回歸25週年特別獻禮」音樂真人實境秀節目《聲生不息‧港樂季》,成功打入內地市場,當中炎明熹翻唱的《蜚蜚》在YouTube的點擊更高達830萬。(圖片來源:YouTube@湖南衛視芒果TV官方頻道)](https://imgs.orientalsunday.hk/wp-content/uploads/2024/07/-2024-07-19-12.22.19_6160570826699ea3717680.png)
炎明熹變觀眾睇After Class 3缺1演唱會
早前TVB就播出炎明熹的演唱會,不過就僅有一小時的播出時間,令唔少觀眾都認為係「趁未離巢趕住出埋」。炎明熹就表示係公司嘅決定,自己都尊重同理解。而對於即將開騷的姚焯菲、鍾柔美和詹天文,炎明熹就稱希望有機會可以到場欣賞,對於3缺1開騷一事表現大方。
![炎明熹 同為After Class的姚焯菲、鍾柔美和詹天文將與本月20日開騷,今次的演唱會更係再次3缺1!(圖片來源:TVB)](https://imgs.orientalsunday.hk/wp-content/uploads/2024/07/-2024-07-19-12.10.37_12939113766699e768d7a9e.png)
撰文:東方新地圖片來源:IG@yiminghay、YouTube@TVB娛樂新聞台、YouTube@湖南衛視芒果TV官方頻道、微博@炎明熹Gigi、IG@yumichung1221、[email protected]、TVB資料或影片來源:原文刊於東方新地