炎明熹續約條件曝光被指「獅子開大口」?傳要求無綫準時出糧 網民反應兩極
炎明熹 與無綫續約條件疑曝光
炎明熹日前現身活動時,透露與無綫的合約仍在討論階段。有指雙方在合約多個條款上都未能達成一致,其中包括Gigi堅持要求準時出糧,以及爭取工作自主權,以便她全力發展內地市場,而無綫則覺得她出道只有短短3年,是在「獅子開大口」。
![炎明熹 炎明熹日前現身支持聲夢三小花合體舉行的《音樂出沒:Let's play together 演唱會》演唱會。(圖片來源:大會提供)](https://imgs.orientalsunday.hk/wp-content/uploads/2024/07/g8000057_1264682145669ca63ca6c00-1024x683.jpg)
網民反應兩極:準時出糧係基本 VS 拖糧係行規
Gigi要求無綫「準時出糧」的傳聞,極速引起網民爭議,有網民力撐Gigi,狠批無綫是無良僱主:「咁大間電視台都拖糧」、「打工要求準時出糧其實真係好基本,唔好拎廿幾三十年前果套繼續用喺依個時代啦」、「糧都唔準時點留,試吓出面公司拖糧,唔即日遞信都偷笑啦」、「唔鍾意佢,不過如果連準時出糧都要爭取先有,都支持佢早走早著」、「真係好癲,啲陋習咁多年都唔改變」、「好學唔學學亞視拖糧」。
![炎明熹 炎明熹以往出席活動時,TVB都會派員採訪,不過自從傳出Gigi有意離巢的消息後,TVB喺炎明熹最近2次的公開活動都冇派員到場採訪。(圖片來源:YouTube@TVB娛樂新聞台)](https://imgs.orientalsunday.hk/wp-content/uploads/2024/06/-2024-06-29-200726_1903795618667ff90eee3b8.jpg)
但亦有網民支持無綫,指「拖糧」是娛樂圈中的慣例:「拖糧呢個係業內行規,之前歐錦棠喺youtube都有講過」、「呢行不嬲慣性拖糧,電影電視都係」、「做幕前不嬲都唔係個個月出一次糧」、「其實明星斷job計,又唔係淨袋月薪,if個客未比錢,冇錢收唔係正常?」、「根本行規嚟,唔可以為佢一個而改,所以佢開呢個要求即係冇諗過續」等。
![炎明熹 Gigi社交網新相以逗貓為樂。(圖片來源:IG@yiminghay)](https://imgs.orientalsunday.hk/wp-content/uploads/2024/07/yiminghay_1721531195_3416773768189187946_43694366521_1636661051669df653c7b0d-991x1024.jpg)
承諾捧Gigi做「G.E.M. 2.0」 中間人傳係羅嘉慧
此外傳聞也提及Gigi獲內地公司出天價力邀過檔,據悉這涉及一位中間人,有指這位中間人為了將Gigi納入旗下,除了用高薪誘惑她,更承諾將她培養成「G.E.M. 2.0」。據知中間人是前電台女高層,曾在Gigi參加《聲生不息》期間受無綫所托照顧她,並幫助她在內地接洽不少工作,讓她勁賺數百萬,得以連掃兩層樓,升呢做業主,並搬入市值逾千萬元的將軍澳豪宅。
![炎明熹 2022年,炎明熹憑參加《聲生不息》在內地人氣急升,身價亦暴升1.5倍。(圖片來源:《聲生不息》截圖)](https://imgs.orientalsunday.hk/wp-content/uploads/2023/08/-1-0-34-screenshot_71878279164d31a0880c38.jpeg)
去年初查小欣曾在專欄中提到,TVB派炎明熹去內地工作時托羅嘉慧照應她,羅嘉慧更曾大讚Gigi「易湊」、又乖又勤力。羅嘉慧是資深電影人文雋的前妻,亦曾是商台公關部主管及商台製作總經理,2000年離開商台後,做過陳曉東等藝人的經理人,後來北上發展,更成為內地一線歌手孫楠的經理人兼娛樂營銷公司合伙人。
樂易玲曬與 Gigi 舉V合照 稱呼她為「大師姐」
Gigi日前出席了一場「聲夢3小花」的音樂會尾場,更與曾疑似暗寸她「忘本」的樂易玲同場,兩人座位坐正前後排,雖然在席上未見有互動,但仍有舉V合照,樂易玲更在IG提到:「大師姐gigi台下合唱係愛呀。」
炎明熹連環派金句回應續約問題
對於出席活動TVB都冇派記者到場採訪一事,炎明熹就笑稱可能係地點太遠同埋檔期問題,高EQ化解尷尬。而被問到與TVB的合約進展時,炎明熹就坦言仲未與TVB續約,目前仍在討論階段,而自己對於未來亦保持開放態度。炎明熹透露家人都唔知太多關於自己合約的問題,始終「呢個年紀會嘗試所有嘢都自己決定」,希望唔好令家人擔心,仲搞笑稱可能自己第時會去咗做空姐都話唔定。
![炎明熹 炎明熹日前孖住陳豪出席活動,不過今次就算有TVB視帝在場都改變唔到冇大台記者到場嘅事實。(圖片來源:YouTube@MoreForms Media魔方全媒)](https://imgs.orientalsunday.hk/wp-content/uploads/2024/07/-2024-07-19-4.39.19_1288763721669a263f491b8-1024x587.png)
炎明熹親解內地公司天價過檔傳聞
最近更有傳炎明熹被內地公司以天價邀請過檔,Gigi就表示自己都唔知有呢件事,不過就唔抗拒有新嘅發展。炎明熹亦坦言有唔同嘅發展其實都有好有壞,雖然依家都未知最後嘅發展係點,不過自己就咩都想去試吓,去發掘自己嘅潛能。
![炎明熹 TVB早前播出《炎明熹Gi-FORCE演唱會》,不過播出的版本僅剪剩1個鐘,更被網民狠批係唔係「趁未離巢趕住出埋」。(圖片來源:YouTube@TVB (official))](https://imgs.orientalsunday.hk/wp-content/uploads/2024/07/vs-youtube-gi-force2024-602_1942252260669a2c22c785b-1024x576.jpg)
樂易玲否認暗寸炎明熹忘本:我對住Yumi同Windy講㗎!
樂易玲早前在活動上叮囑Yumi和Windy不要忘本,被指是在暗寸有傳因不續約而被TVB雪藏的Gigi,對此樂易玲向傳媒強調唔係話緊Gigi:「我對住Yumi同Windy講㗎!佢哋細個,能夠教嘅我盡量教,尤其是公司藝人,我哋都會話畀佢哋知,真係要做榜樣,同埋永遠都要係朋友。」
![炎明熹 樂易玲籲鍾柔美詹天文「不要忘本」,Windy亦非常識做,指自己會銘記於心。(圖片來源:IG@62000000callme)](https://imgs.orientalsunday.hk/wp-content/uploads/2024/06/image-2990934_641100533667e5546ea632.jpg)
樂易玲澄清指炎明熹有排先完約
而講到Gigi有傳因不續約而被TVB雪藏,樂易玲澄清指炎明熹有排先完約:「佢份合約仲有排喎,我就唔知點解你哋咁多人對號入座,成日都話佢要走唔續約,其實我哋嘅同事都應該同佢傾緊合約關係,因為佢仲有一段長時間,我諗新聞界太關心佢。」並表示絕對相信Gigi並非忘本的人。
![炎明熹 不少網民都認為樂易玲係暗寸緊近期盛傳離巢的炎明熹「忘本」。(圖片來源:IG@62000000callme)](https://imgs.orientalsunday.hk/wp-content/uploads/2024/06/image-4803747_869584883667e555767cce.jpg)
解釋TVB冇派人採訪炎明熹原因
樂易玲又指Gigi現時工作安排如常,其歌曲也有上排行榜,最近少有現身是因為她仍在求學階段,所以工作都要配合她的休息時間。而講到上次Gigi出席活動時,TVB沒有派人採訪,樂易玲表示:「咁我唔知,因為係TMG(TVB Music Group )唱片公司幫佢接嘅嘢,我諗你要問番唱片嗰邊,因為我哋supervisor係唔使跟呢個project嘅。」