湯令山公開狂數「廣東歌行得慢4個原因」網民：幫女友反擊？

近年樂壇出現唔少眼前一亮嘅新人，好似被封為「樂壇潛力股」嘅唱作歌手嘅湯令山Gareth.T，過去佢因爲幫人氣王姜濤作出名曲《Master Class》及新歌《鏡中鏡》而為人熟悉。今年年初係各大頒獎禮拎晒獎之後仲舉行埋個人騷，風頭一時無兩！不過日前佢係最近新興起嘅社交平台Threads就出po，講「廣東歌行得慢4個原因」，即刻引起網民討論！

湯令山日前湯令山Gareth.T係Threads出po講「廣東歌行得慢4個原因」，隨即引起網民討論！ — 日前湯令山Gareth.T係Threads出po講「廣東歌行得慢4個原因」，隨即引起網民討論！（圖片來源：IG@gareth_tong）

湯令山今年年初Gareth.T係各大頒獎禮拎咗唔少獎項！ — 今年年初Gareth.T係各大頒獎禮拎咗唔少獎項！（圖片來源：IG@gareth_tong）

Gareth.T狂數廣東歌行得慢4個原因！大批網民表示唔認同

Gareth.T就寫咗4個令廣東歌行得慢嘅原因，包括1）咬字太重要、2）歌手唔夠cool、3）聽眾需要教育、4）聽眾根本唔需要行得前嘅音樂/不同類型嘅音樂，之後仲叫網民可以寫低留言講下其他原因。Post一出當然立即被連登仔放上討論區討論，大部分網民都表示唔認同，就話唔明佢口中嘅「行得慢」，並狠批Gareth.T唱廣東歌幾難聽，「咬字音準都差要再教育下」。

湯令山 Gareth.T寫咗4個令廣東歌行得慢嘅原因，包括1）咬字太重要、2）歌手唔夠cool、3）聽眾需要教育、4）聽眾根本唔需要行得前嘅音樂/不同類型嘅音樂。 — Gareth.T寫咗4個令廣東歌行得慢嘅原因，包括1）咬字太重要、2）歌手唔夠cool、3）聽眾需要教育、4）聽眾根本唔需要行得前嘅音樂/不同類型嘅音樂。（圖片來源：Threads@gareth_tong）

疑似反擊MC助手Yee Yee攻擊女友言論！

同時令網民諗起今次Gareth.T突然有感而發係同早前MC助手Yee Yee係Telegram群組留下惹火言論，因爲其中一個Yee Yee表示Gareth.T女友Moon唱歌同廣東話咬字「好難頂」，仲話「好想剪佢脷筋」。網民笑指Gareth.T係因爲不甘女友被對方攻擊所以拖廣東歌落水，有借題發揮之嫌。

湯令山有網民話懷疑Gareth.T不甘女友moon日前被MC助手狠批，所以拖埋廣東歌落水。 — 有網民話懷疑Gareth.T不甘女友moon日前被MC助手狠批，所以拖埋廣東歌落水。（圖片來源：IG@moonstyles_）

網民形容Gareth.T屙屎唔出賴地硬：「每個地方都可以有自己嘅文化」

甚至有網民覺得Gareth.T根本係屙屎唔出賴地硬、「龍門任佢擺」，例如自己咬字有問題唔檢討不突止仲要話返係聽眾問題，「有咩缺點俾人鬧就講個缺點冇問題」、「冇音準同冇高音就話太注重音準、高音」。亦有網民就認為係外國讀完書嘅Gareth.T討論嘅嘢唔代表高人一等，並表示每個地方都可以有自己嘅文化，「香港亦都有一啲鍾意佢嘅歌嘅人，做公眾人物做到佢咁自我中心，都係同返佢啲fans玩返小圈子算」。

湯令山 Gareth.T嘅post一出後，唔少網民睇唔過眼，狠批佢根本係屙屎唔出賴地硬。 — Gareth.T嘅post一出後，唔少網民睇唔過眼，狠批佢根本係屙屎唔出賴地硬。（圖片來源：IG@gareth_tong）

湯令山有人認為係外國讀完書嘅Gareth.T討論嘅嘢唔代表高人一等，指做公眾人物做到咁自我中心都係同返佢啲fans玩返小圈子。 — 有人認為係外國讀完書嘅Gareth.T討論嘅嘢唔代表高人一等，指做公眾人物做到咁自我中心都係同返佢啲fans玩返小圈子。（圖片來源：IG@gareth_tong）

呢個留言最中肯？！網民俾爆like

雖然連登網民有咁嘅睇法，而Gareth.T嘅Threads留言都有人好持平咁留言，其中一位留言者就認為而家嘅歌手唔重視咬字，而且太cool令唱歌變其次，加上歌手同聽眾變成對立，雙方都覺得對方需要教育，至於聽眾係想要好聽嘅歌，但歌手只想超前，最後可以留低嘅就只係會俾潮流淘汰嘅「新」，呢個留言更吸引超過150個人俾like。其實點都好，廣東歌都有好多唔同的曲風，不過未必每首都受香港樂迷歡迎，講到尾無論係Gareth.T定係網民都係想要有好嘅廣東歌樂壇，希望香港樂壇好像90年代一樣，再次發光發亮！