洪卓立從高處墮下昏迷逾10分鐘兼口吐白泡 英皇回覆：他一度昏迷且缺氧！
撰文：八卦妹｜圖片來源：英皇提供、洪卓立IG
洪卓立（Ken）突然抽筋暈倒昏迷超過10分鐘
洪卓立（Ken）由於需要到內地順德進行劇集拍攝，其愛犬「肥膏」暫時就交給前女友湯怡照顧！但在今日（8/6）網上竟突然出現一張洪卓立躺在病床面無血色的相片，原來日前他在拍攝時，突然抽搐暈倒，並從高處墮下，及後更口吐白泡和昏迷超過10分鐘，情況一度令人感到擔憂。
英皇回覆洪卓立情況
不少媒體得悉後，即向洪卓立經理人公司英皇查詢，洪卓立現時的情況，英皇回覆：「多謝大家關心洪卓立的情況，現在他已回香港，在家裏休息中，亦都再去醫院全面檢查一次,檢查的報告有待回覆，暫時頭部檢查是正常的，現在就是因為膊頭落地，所以左手暫時不能舉起，正在做物理治療，他確是一度昏迷，而且缺氧，但是我們以最迅速嘅時間送了入醫院，救傷車亦非常快的到達，在救傷車上進行急救，雖然有嘔吐，但是已經在救傷車上蘇醒，稍後我會叫亞Ken自己錄一段回覆給大家。」
英皇還提到：「今次的情況是有點特別的，因為他是突然抽筋暈倒而跌下的，但是他沒有病史，但是已經進行腦部掃描，一切正常的大家可以放心！」由於洪卓立已返港接受治療，至於現時的劇集及電影都一併延後，待身體康復後才再開始，提到劇集會否因此而有改變時，英皇就表示：「劇組對於亞Ken的工作表現非常滿意，還加了戲份呢！」
洪卓立錄音表示：感到好有愛！
洪卓立返港接受治療後，錄音同大家報平安：「十分抱歉同多謝擔心，又同時唔好意思要大家擔心，個人其實都無乜事，可能喺左邊膊頭落地先，所以左手暫時未喺好夠靈活，希望快啲好返，疫情又快啲過，咁我就可以再次重返拍攝崗位。今次搞到好多人感到擔心，而導演又睇到晒成個過程，成晚喺醫院陪我過，搞咗好耐，多謝導演。」
之後洪卓立再提到：「開心嘅喺發現到身邊有好多愛，喺非常暖心嘅一件事，而我由於首次飾演奸角，為咗睇落Fit啲，所以之前就食少咗嘢，而且天氣熱、戲服厚，再加上燈光，所以就中暑！依家返咗嚟香港，首先要食返多啲野，做返多啲運動，好多謝導演及多謝一眾關心我嘅朋友，會靚靚仔仔返來同大家見面。」
