泰國女星Tangmo案件丨判決結果僅罰款 Tangmo母親感欣慰：正義已得伸張

泰國女星Pataratida Pacharawirapong（Tangmo），2022年2月時與友人坐船出遊時墮河身亡，終年37歲。當時整件案件疑點重重，受到不少網民的關注，而Tangmo母親同意收取賠款付案件暫時告一段落。可5月21日Tangmo的社交平台竟然更新，內容更直指自己是受害，亦出現一位「天才大叔」不斷爆出新線索、證據，警方決定再次調查命案。經歷差唔多一年的審訊，終於5月10日時有最新判決結果，緩刑3年加罰款。

泰女星Tangmo命案 Tangmo — （圖片來源：ig＠melonp.official ）

泰國女星Tangmo案件丨判決結果緩刑3年加罰款

泰國女星Tangmo案件一直備受關注，經歷差唔多一年的審訊，5月10日時有最新判決結果。兩位被告Tanupat、Phaiboon就係當日同Tangmo同船的富商，Tanupat係船主，而Phaiboon負責開船。Tanupat同Phaiboon認罪，Tanupat承認自己不小心導致他人死亡，被判入獄5年8個月同罰款12萬8000泰銖，但因為考慮到佢肯認罪同埋願意作出賠償，所以改為入獄2年9個月，緩刑3年，罰款6萬4000泰銖以及社會服務令。而Phaiboon認罪無牌開船，同樣獲減刑，入獄2年2個月，緩刑3年，罰款5萬4000泰銖同埋社會服務令。

Tangmo Tanupat同Phaiboon認罪 — Tanupat同Phaiboon認罪（圖片來源：weibo＠新浪娛樂）

泰國女星Tangmo案件丨Tangmo母親感滿意表示「正義已得伸張」

案件一開始兩位被告Tanupat、Phaiboon就以金錢向Tangmo母親賠償和解，後來仲同Tangmo母親上埋契。Tangmo母親接受媒體訪問時表示對判決結果感到滿意，仲表示「正義已得伸張」，仲大讚2位被告係「好孩子」，對於佢哋唔駛入獄感到欣慰，解釋感到滿意唔係因為罰款，係因為兩位被告已經感到內疚，所以佢已經原諒咗佢哋。訪問後3人仲嚟個大合照，擁抱告別。