泫雅容貌再升級 過分微調嚇親網民
廣告
身為韓國樂壇大前輩嘅「性感小野馬」泫雅最近推出新歌《Nabillera》回歸，新歌宣傳照同以往一樣行性感大膽風格，唔知係咪因為泫雅為咗可以提供「更好」嘅舞台畀粉絲，容貌疑似再升級，早前同男友Dawn現身仁川機場時被韓媒影到「真實」嘅一面，零P圖同無濾鏡下嘅外貌同平時變化太大，引起討論，而昨日（21日）泫雅再登上音樂節目表演時，臉部更加僵硬唔自然。
機場照嚇親大家
早前泫雅同男友Dawn出發去法國巴黎工作現身仁川機場時，喺韓媒拍攝嘅「真實狀態」下，網民指出泫雅嘅臥蠶、蘋果肌同嘴唇都變得比之前豐盈，顯得唔太自然，大笑時更加明顯，引起網民熱論。
登上韓國音樂節目容貌再升級
推出新歌《Nabillera》後，泫雅昨日登上《MCOUNTDOWN》音樂節目表演新歌時，就算經過濾鏡嘅包裝下，樣貌仍然顯得非常唔自然，雖然睇得出泫雅不時會擺出經典性感表情演出，但喺濃妝同臉部僵硬之下，顯得十分唔自然，甚至連做表情都顯得有啲吃力，引起網民關注。
即睇！
圖片來源：hyunah_aa, YouTube@M2
