小野馬脫曬韁 泫雅生日派福利 大擺挑逗Pose 豪曬半球

生日前派福利，泫雅趴身托腮曬半球即引過百萬like

泫雅不只擁有火辣身材，而且作風超大膽，有著「性感小野馬」嘅稱號。佢亦經常上網分享自己生活近況，以及獨特嘅衣著同化妝風格。而6月6日正系泫雅30歲生日，係生日前6月4日夜晚，泫雅又係IG向fans派福利！係泫雅公開嘅2張相中所見，泫雅披散著長髮，淡雅底妝配搭招牌烈焰紅唇，身著粉紅色心心超短tube dress，望住鏡頭擺出趴身、托腮等性感姿勢，更大曬半球！福利照一出，未夠24小時已經引來過百萬讚好，認真誇張！

泫雅作風兩極，怪異同性感隨意更換

泫雅自出道以來就以性感、多變等風格而聞名。會不定時派發性感福利圖，例如外露出小蠻腰、長腿、甚至大尺度地露除北半球！再配合性感姿勢，十分養眼。但有時泫雅嘅造型亦會十分怪異，尤其妝容部份，例如配戴浮誇嘅color con、眉毛極淺色嘅「無眉造型」、誇張嘅胭脂等，時常令fans表示「唔識欣賞」。雖然未知咁樣係米造型師嘅安排，但泫雅似乎能夠係2種造型中隨意轉換，帶比fans不同感覺。

封盤後仍然火辣，泫雅係未婚夫面前當眾脫衣

泫雅除左係網上分享自己嘅造型相外，亦會不時放閃曬恩愛，佢同細2歲嘅歌手男友Dawn（金曉鐘）拍拖7年、感情穩定嘅兩人，亦係今年2月初宣布訂婚，受到大批fans祝福。而封盤宣布快將成為人妻嘅泫雅作風依然開放，近日二人受邀係南韓慶熙大學表演，經常在舞台上有破格舉動嘅泫雅唱到一半直接將上衣除左，露出黑色Bra，大曬性感好身材，令現場fans尖叫聲不斷。

而同未婚夫Dawn同台時，泫雅更應fans要求當眾錫Dawn，手亦不安份地係Dawn身上游走，再次引起台下觀眾尖叫。最後兩人表演合作曲〈PING PONG〉時，泫雅再次除下襯衫為Dawn擦汗，Dawn則接過泫雅手上襯衫往台下掉， 畫面令全場升溫。