77歲汪明荃被陳志雲問「阻人上位」勁愕然8字霸氣回應 網民反應兩極

阿姐8字霸氣回應被指「阻人上位」

在訪問中，陳志雲提到網民的留言，有人認為應該讓更多年輕人有機會。「呢度（留言區）都有人話『哎呀，好心畀啲後生嘅做啦』。」對此，汪明荃堅決回應：「我冇阻住到佢哋喎！後生嘅又做唔到老㗎（長輩的工作）。」她還提到，有些年輕演員扮演老年角色時不夠自然，「係因為佢自己個樣生得老積穩重呀嘛！有啲（演老人）假到死，我會阻住邊個啫？唔會㗎！老嗰啲同我一齊老㗎啦！」

汪明荃繼續爆Seed回應：你估而家真係港姐呀？

陳志雲在訪問中提到汪明荃過去的演出，問及她在1980年的劇集《京華春夢》中的年齡。「我諗都係40幾歲啦！（實為33歲）」汪明荃回答後，陳志雲開玩笑說她阻礙了年輕演員。「你咪阻住囉！40幾歲做10幾歲！」汪明荃則解釋說，那個年齡段的她剛好學會了演戲的技巧。「咁40幾歲先啱啱學識做戲咋喎，你估而家真係港姐呀？18歲就做。」她認為演技需要時間來累積經驗，這一點獲得了許多網民的認同。

網民反應兩極：事實嘅嘢唔可以攞出嚟講

網民對汪明荃被質疑「阻人上位」一事反應兩極，有網民認為汪明荃就算退下來，亦沒有演員能夠坐到阿姐位；另一邊廂就有網民認為汪明荃的確是時候退下來，讓後輩有更多機會上位：「事實嘅嘢唔可以攞出嚟講」、「一早應退休，唱歌又冇氣，又難聽，成個亞婆，邊個想睇，你時代已過，應命罷。」

亦有人指阿姐年紀漸老：「記憶力差了，國語又唔識講！人生都77啦，仲咁唔化！志雲講得啱吖」、「後生可以做到佢個位咩？」、「尊重你就叫聲你老行專，其實就是一個老屎忽！識做人便應該好來好去」

不過另有人為汪明荃平反：「阿姐好靚、好有智慧」、「阿姐好貼地」、「阿姐是一個令人敬佩的藝人! 」

一起睇片：