江嘉敏著裙同人夫行山擒高擒低 網民：特登定真係唔識？
廣告
堪稱「是非磁石」同「時裝車禍」的TVB小花江嘉敏，走出情傷後成日喺IG大派福利，騷戰鬥格性感相，不過就俾網民係咁踩，話佢唔識著衫。近日佢po出與兩位圈中人夫去行山，不過佢套衫又出事！
江嘉敏著裙行山引熱議
江嘉敏早前約咗兩位圈中人夫黃嘉樂、楊潮凱去千島湖行山打卡。相片可見，江嘉敏扎咗個噴泉頭，一身白色衛衣可愛look去行山，就咁睇上半身似乎都幾正常，無炒車，點知一條幾秒的落山短片可見，原來江嘉敏係著連身裙，仲要喺斜坡上擒高擒低，見佢落山時手腳並用，踎低小碎步，非常驚險！唔少網民睇完都留言質問點解會著裙行山「明知行山著裙？！」「著裙行山，好野！」「你踎喺度做乜呀？」「偶包太重？」
重溫小香風配hermès都一陣cheap味
有「時裝車禍」之稱的TVB小花江嘉敏早前po上一張著上一身小香風造型配上hermès手袋係餐廳打卡的照片，不過似乎又炒車，又再次俾人話唔識打扮「真心建議你搵另一位造型師，不要浪費你的天賦」「你係咪著錯咗衫呀 唔襯你」「咁70年代feel？」「咁札仲樣衰」「點解貴婦look都可以著到咁cheap」，今次仲連同為TVB的小花高海寧都忍唔住留言寸爆「個頭想點？」原來又衰咗喺個頭度，江嘉敏都大方回應「唔長唔短嘛」，睇嚟只有變返長頭髮先可以打救江嘉敏。
圖片來源：IG@kaman_kong, IG@sammkoling
