「時裝車禍」江嘉敏小香風配hermès再出事 東莞味變鄉下味
廣告
堪稱「是非磁石」同「時裝車禍」的TVB小花江嘉敏，走出情傷後成日喺IG大派福利，騷戰鬥格性感相，不過就俾網民係咁踩。日前佢再喺IG po新相，曬手袋，不過又俾人踩，今次仲要係同公司小花？！
小香風配hermès都一陣cheap味
有「時裝車禍」之稱的TVB小花江嘉敏近日po上一張著上一身小香風造型配上hermès手袋係餐廳打卡的照片，不過似乎又炒車，又再次俾人話唔識打扮「真心建議你搵另一位造型師，不要浪費你的天賦」「你係咪著錯咗衫呀 唔襯你」「咁70年代feel？」「咁札仲樣衰」「點解貴婦look都可以著到咁cheap」，今次仲連同為TVB的小花高海寧都忍唔住留言寸爆「個頭想點？」原來又衰咗喺個頭度，江嘉敏都大方回應「唔長唔短嘛」，睇嚟只有變返長頭髮先可以打救江嘉敏。
重溫戰鬥格慘被嘲「東莞味」「係咪致敬仙杜拉？」
發福不少的江嘉敏日前則於IG貼谷胸照，自稱獲友人大讚「身瘦咗但塊面圓咗」，並謂：「我把自己吃得這麼圓，就是為了不被別人看扁。」自信滿滿的她早前還以戰鬥格，穿黑色Deep V Bra Top披藍色西裝外套入馬場，惟有網民嫌「鄉姑」味濃，紛紛留言「件衫隻色想點，以為返咗大陸」、「東莞夜場小姐」、「啲Taste咁差」、「花家姐咁款」、「以為夾個髮夾喺頭就會似番女人？」等。然而去年底換上新造型時，江嘉敏已被指「完全Carry唔到短髮」，甚至問：「係咪致敬仙杜拉？」
圖片來源：IG@sammkoling、IG@kaman_kong
