馮盈盈節目《後生仔傾吓偈》大講舊愛婚訊 江嘉敏搶先留言姣撩FYY舊愛

撰文：東方新地｜圖片來來源：江嘉敏IG圖片、馮盈盈IG圖片、鄭紹康IG、《後生仔傾吓偈》截圖｜編輯：HM（部份資料刊於：東方新地）

馮盈盈節目《後生仔傾吓偈》大講舊愛婚訊：結咗都可以離

馮盈盈去年與拍拖4年的醫生男友Martin（鍾文浩）宣告分手，就寄情工作，媒體就關注馮盈盈的感情去向，全因馮盈盈經常都會出席不同友人的活動，直至較早前，外間就有傳出馮盈盈舊愛Martin疑似入紙申請結婚，令不少媒體都爭相訪問馮盈盈對舊愛結婚感受，惜馮盈盈就以沒有回應來回應媒體問題。

來到最新一集的節目《後生仔傾吓偈》，就以「前度結婚了」為題，一眾後生仔都等待著馮盈盈的回應，而馮盈盈也貫徹一向作風：「坦白講，我都係透過新聞先知，因為大家雖然話係朋友，但都唔會特別好小事而互相通知。」陸浩明聽後即笑：「結婚又唔係咩大件事」，馮盈盈亦即回應：「結咗都可以離，係未先？所以，唔係咩大不了嘅事。」並提到當時看過網上流傳出來的結婚通知書，當中所填寫的出生月、年、日、地址等都是錯，所以得悉婚訊後的反應就是「得啖笑」。

江嘉敏有殺錯冇放過

江嘉敏天生注定惹火，同馮盈盈由好姊妹變成死敵，都係為咗識男仔，不過最估唔到馮盈盈醫生舊愛寶寶(Martin)，江嘉敏一樣有殺錯冇放過。

江嘉敏搶先留言

馮盈盈前男友寶寶同江嘉敏應該冇乜重疊關係，但早寶寶趁中秋節在私人IG上載一張駕駛SUBARU WRX跑車到電視城的照片，並留言「一人遊舊地」，仲hashtag「每逢佳節」，本來內容已經夠惹人聯想。不過最引人入勝的是率先留言回應的竟然不是馮盈盈，而是被指已跟馮盈盈反目的江嘉敏 。

江嘉敏與寶寶對話

以下是江嘉敏與寶寶的留言對話。
江嘉敏說：「你人生冇嘢做喇？」
寶寶：「見你唔到嘅？」
江嘉敏：「你又唔係嚟搵我，眼裡面實見我唔到㗎！」
寶寶：「去咗搵回憶！」

馮盈盈與醫生和平分手

大家都認為寶寶口中的回憶就是指馮盈盈，而去年尾馮盈盈同醫生男友寶寶先同居後分手，當時二人話係和平分手，會一齊處理同名持有的物業，分開後各自各精彩，馮盈盈好快就同爆肌港男鄭衍峰傳出緋聞，而寶寶早前亦被踢爆與新女友好事近。今次江嘉敏連死敵前度都姣，難怪又被網民鬧爆！