偷圖KOL 「牛油果小姐」楊舒婷刪完留言終道歉 臭名揚海外兼上埋報！

撰文：東方新地 ｜ 圖片：Sadelle IG、BuzzFeed.News、連登討論區、網上圖片｜編輯：Cherry@Central

被指「猴子偷圖」楊舒婷即刻Del相

KOL兼模特兒Sadelle樣靚身材正，標緻樣貌、豐滿上圍同白滑長腿通通有齊，但早前就被踢爆係「猴子偷圖」⋯⋯

事發後，Sadelle隨即刪除了IG內過百張相片，網民就反應激烈繼續鬧爆！

偷相呃Like被踢爆

Sadelle的眾多IG相中，有唔少旅遊同食物相都同一啲網上相片「出奇地相似」，無論係角度、色調、細節都一模一樣喎！無得解釋啦？

Google相片當旅行？

食物照都唔放過

Sadelle一系列飲食相片都有個「#Sadellecancook」嘅Hastag，但入面啲相就係人哋嘅！

最經典：「牛油果KOL」搵完食譜扮識煮

在她偷眾多的圖當中，最經典是以下這張牛油果，偷完圖仲要扮自己煮，真係「辛苦唒」！

網民鬧爆：好x肉酸呀！

網民於討論區踢爆Sadelle偷圖，再發文整理事情嘅來龍去脈，Sadelle刪圖後更引嚟網民瘋狂洗版留言！

刪圖後更引嚟網民瘋狂洗版留言！

不認不認還須認Sadelle發文道歉

被網民的狠批完，Sadelle貌似醒覺，終於轉口道歉，話自己反思完確實認為自己做錯，承諾唔會再犯，仲話要真係學下煮嘢食喎⋯⋯

臭名揚海外上埋報！

勢估唔到，事情愈鬧愈大，海外媒體BuzzFeed.News亦有報道今次事件。網民更恥笑咁話，搞到臭名遠播，先焗住道歉喎！呢層小編就唔知啦～

IG Stories 回應粉絲問題

道完歉之後，Sadelle繼續有喺IG同粉絲互動，挑選咗一啲鼓勵嘅留言嚟回應，多謝佢哋嘅支持。不過佢好似好積極咁刪完一輪留言又終於道完歉，最後補句話「好多嘢唔係佢控制嘅範圍之內」，小編就一頭霧水唔知佢指啲咩喇！

其實唔理佢平時多唔多去旅行、或者有生活品味與否，剩係一系列性感靚相已經冇得輸！可惜搞單咁嘅嘢出嚟啦⋯⋯

鐵粉支持 網民唔受

Sadelle道完歉之後，亦有唔少網民留言，獲部分群眾諒解，但亦有網民唔受落，指佢都係為咗搵食先焗住道歉。不過今次就醒番少少，冇再DEL留言，仲有讚好部分負評添！

Sadelle樣靚身材又好，之前去南非旅行現真身，今次應該唔係偷圖喇！唔知佢道完歉又洗唔洗到底呢？