梁競徽認發明星夢入行 自爆當年以為當紅拒坐巴士
廣告
梁競徽（前名梁烈唯）近年主力在內地發展，雖然少有在香港熒幕出現，不過新聞仍然離不開大家。早前黑面帶貨，賺得雞碎咁少成為熱話後。梁競徽近日接受前無綫藝員好友胡炯龍訪問時，就自動爆料益街坊，又話搬去大灣區？始終最掛住香港觀眾。
梁競徽自稱用靈魂演戲
梁競徽近日接受好友胡炯龍訪問，最初談及過去演出過的角色，問他邊個角色最深刻，梁競徽就答每一個角色都好深刻：「因為每一個角色，我都係用個靈魂灌注落去咁演，會有一部分嘅自己影子喺入面﹗」答咗等如無答，之後被追問之下先講喜歡演奸角，因為發揮大又有警世作用喎。
梁競徽自爆兒時夢想當明星 認發明星夢
其後被問到演戲是否自小的夢想，梁競徽竟然好坦白咁答：「唔係㗎，我入行係想做明星㗎！不過之後遇到挫折，得到不少教訓，入TVB時心態已經洗心革面，自此我同自己講要成為一位好演員。」然後佢就自爆驚世大料，佢話：「當年我拍完第一套電影之後呢，我就唔敢搭巴士、地鐵，覺得自己唔可以搭，因為嗰時我諗『死啦，啲人會認得我』。」胡炯龍聽到後都禁不住狂笑，梁競徽仍然一臉認真！
梁競徽忽然賣溫情
梁競徽之前被酒店員工爆料，指他大支嘢去酒店前枱要求參觀ballroom，勁無禮貌兼指住自己個鼻問：「我喎，唔識？你經理會識得我。」點知經理是外國人，梁競徽英文差立即笠水！呢件事在網絡瘋傳。梁競徽曾爆seed回應，指自己是龍的傳人，不可被人欺負，唔認衰仲九唔搭八。呢日佢都有講番件事，仲話自己依家成熟好多，只會努力工作去養家：「我依家呢個階段，有家庭有小朋友，其實已經唔去諗乜嘢大紅大紫，要去到咩位，冇再諗呢啲，總之keep住有工作，有收入去維持全家生活。其實任何事都係，當你有機會嘅時候，你就盡力去做啦，累積落嚟嘅努力同表現，就會得到日後嘅機會。」
梁烈唯的「酒店經歷」事件是？
講起梁烈唯（現名：梁競徽），就一定要再提一提他的「酒店經歷」，有網民表示自己曾在酒店任職reception，並在酒店大堂遇見梁競徽，但他當時並不知道梁競徽是誰，他指當時…詳情請看
梁烈唯內地帶貨？
近日，唯唯更是撈過界直播帶貨，引起網民的關注。有網民叫唯唯講講粵語。但唯唯懶理Fans聲音，只係…詳情請看
圖片來源：微博＠梁競徽、微博＠胡炯龍
