梁洛施傳情定66歲王傑加拿大結婚？ 經理人咁回應！
廣告
2018年由加拿大返港定居、今年34歲嘅梁洛施（Isabella），近日成為Youtube關鍵人物，事關出現唔少「新聞片」表示佢秘戀有「歌壇浪子」稱號現年66歲嘅王傑，仲話佢哋好事近已經係加拿大註冊結婚，呢段相差26歲嘅「戀情」搞到唔少網民都好關心！
戀情係香港娛樂記者爆料？！
呢段「戀情」緣於係一位自稱係來自香港名叫「朱皮」嘅娛樂記者透過微博短片爆料，表示現定居加拿大嘅王傑同一位富婆過從甚密，仲指出該富婆就係Isabella，其後網上開始傳出二人係加拿大註冊結婚嘅消息。
王傑感情路坎坷！兩段婚姻失敗告終！
現年66歲、旅居加拿大嘅王傑2017年突然宣布退出歌壇，後來又因生計問題再度復出樂壇。唱過，相信同佢坎坷感情路有好大關係，王傑19歲同首任妻子育有一女，當時王傑遇上要服兵役，在退伍時妻子留下女兒，二人婚姻只維持七個月。從此王傑成為了單親爸爸，打四份工養活女兒，甚至兩父女要露宿街頭，生活苦困。之後王傑係1993年拍攝MV邂逅Model莫綺雯，二人婚後育有一子，但婚姻只維持四年變告終。兒子監護權歸前妻擁有，更被禁止見兒子達十年。
2018年返港定居！Isabella入住5億豪宅
至於Isabella係2009年為富商男友李澤楷先後誕下長子同一對孖仔，但二人2011年宣布分手。及後佢退出娛樂圈帶同3位寶貝仔移居加拿大生活，直到2018年仔仔逐漸長大，Isabella決定返港定居並再度亮相幕前！而佢係香港入住前男友李澤楷名下、有「超級木屋」之稱市價5億位於石澳大浪灣道豪宅，Isabella不時係IG影到屋內環境超級無敵寬敞，同樣成為網民話題！
Isabella經理人咁樣回應傳聞！
不過鑑於事態嚴重，Isabella嘅經理人日前都有出面否認事件，並指報導無中生有，對於不實報會保留一切法律師追究權利，之後再強調Isabella仍然係Single！
圖片來源：微博@王傑、[email protected]、youutbe
