梁思浩鬧爆花姐潛水:錢就識袋,責任唔使孭﹗ 網民:153派你嚟嘅?
![梁思浩 梁思浩十八年前被無綫炒魷魚不歡而散,更同死敵樂易玲多次公開指罵,指一日有樂易玲在都返唔到娘家,估唔到回巢救台的曾志偉親自邀請,梁思浩即放棄有線開出達七位數的優厚條件,高調擺架回歸,仲升呢做埋監製兼主持靈異節目《通靈之王》。](https://imgs.nmplus.hk/wp-content/uploads/2022/08/-2022-08-05-11.27.01_178287715662ec8f37889cf-1024x737.png)
梁思浩稱唔怕得罪人 瘋狂「插花」
梁思浩在網台《大家「真」瘋騷》談及MIRROR演唱會事故,他指發生意外後,阿姐汪明荃、郭富城及王貽興都有發聲,讚他們是英雄,夠敢言:「你知啦﹗圈中人大多避而不談,為咗搵食怕得失人囉﹗」梁思浩又指自己都唔怕,在整集節目不停「插花」,直指花姐是這次意外中難辭其咎,有網民見梁思浩落足力狠狠「插花」留言問:「153派你嚟嘅?」
![梁思浩 梁思浩在網台《大家「真」瘋騷》大談MIRROR演唱會事故﹗](https://imgs.nmplus.hk/wp-content/uploads/2022/08/-2022-08-05-11.28.23_112722589262ec9179a7a35-1024x569.png)
梁思浩:我做過演唱會監製有資格去講
梁思浩指自己做過演唱會監製,所以有資格去發表:「個演唱會賣晒飛㗎啦,即係話你已經賺硬錢,條數已經返咗嚟,你加幾多嘢落去都絕對係賺住做,但你賺住做點解仲喺度慳呢慳路呢?」對於有傳臨開演唱會前最後一日,MIRROR綵排是在排舞室進行而非直接踩台,梁思浩就指如果係真,成件事好荒謬,節目另一主持李思蓓就話:「係囉,我哋喺TVB,台慶、東華都會去真正表演地方綵排﹗」梁思浩氣憤點名鬧爆花姐無出來承擔責任﹗
![梁思浩 花姐在MIRROR演唱會第三場坐上監製個位𥄫住個場,在IG留言:「今日做番好耐冇做嘅野,幾乎驚到暈低,明天繼續努力﹗」](https://imgs.nmplus.hk/wp-content/uploads/2022/08/97c3759c-e9c2-49cc-b0fa-d07b49585795_85021176862ec91e70616e.jpeg)
梁思浩怒轟花姐:錢就識袋,有事就消失天與地﹗
梁思浩怒轟自發生事故後,MIRROR經理人花姐潛水,鬧爆花姐不負責任:「喺呢個危難中,有人選擇沉默或逃避﹗有一個我覺得成件事係難辭其咎㗎,嗰個就係阿花﹗你作為一個經理人呀,如果你rehearsal 睇到有唔妥有危險,你係需要保護你啲藝人先,係咪?佢哋幫你搵錢㗎喎,點解唔肯有膊頭企出嚟?阿花,老老實實啦阿花,你有睇綵排㗎嘛,如果你話畀我聽原來你冇睇嘅,咁仲衰﹗你如果作為經理人,你袋緊錢㗎喎﹗我真心講呢12個細路仔好慘要去面對﹗」
![梁思浩 梁思浩好激動﹗](https://imgs.nmplus.hk/wp-content/uploads/2022/08/-2022-08-05-11.29.37_210267746262ec921f56910-1024x749.png)
梁思浩爆鬧花姐不負責任:呢個世界冇免費午餐﹗
李思蓓插口:你(花姐)袋咗錢到依家都唔出聲?應該當自己仔一樣,係咪先?)你袋錢嗰時就識袋,到佢哋出事嗰時,你係完全地消失天與地﹗同埋你當時係經理人或者係監製,你覺得危險,係咪要出聲先?因為所有幕後嘅人已經開始講,其實綵排時已經有危險,你唔係新人嚟嘛,你做得監製,錢就照袋,責任唔使孭?呢個世界冇免費午餐㗎﹗」
![梁思浩 李思蓓加多腳﹗](https://imgs.nmplus.hk/wp-content/uploads/2022/08/-2022-08-05-11.28.44_114031756362ec922596a07.png)
梁思浩心痛MIRROR:呢12個細路仔好慘﹗
李思蓓又指MIRROR十二子當花姐係阿媽,但掉番轉花姐似乎冇當MIRROR係自己仔:「講返之前,好似姜濤做訪問暈一暈,你見佢哋工作量爆標,大家打開報紙都知,究竟佢哋抽到幾多時間去綵排,大家都計到數,尤其紅嗰幾個臨開騷前都好似冇停過其他工作﹗」梁思浩接話:「同埋依家開始有傳媒講,究竟MIRROR做得咁辛苦呢幾年,有幾多錢袋咗自己袋,阿花,你作為一個經理人,有事你去咗邊?」李思蓓指MIRROR不是生財工具,「呢12個小朋友都係人嚟﹗」梁思浩大大力點頭認同,指好心痛MIRROR要承受如此大壓力﹗
![梁思浩 上次MIRROR的九展騷,花姐跟足咁多場﹗](https://imgs.nmplus.hk/wp-content/uploads/2022/08/851dc745-6655-43b2-875d-c950227124e6_35693145562ec918083474.jpeg)